月中生慈菇木定 臨盆甘比陪大劉解悶

甘比(陳凱韻)年前為劉鑾雄(大劉)誕下女兒劉秀樺後,本月中係待產期,再為大劉生B,有傳甘比呢次更懷有慈菇椗。腹大便便甘比懷孕期間頻頻出街,週日(9日)佢更帶女兒跟大劉到福臨門吃飯,陪食兼為官司纏身大劉解悶,認真體貼。

當日大劉同甘比母女分別坐兩架車到來,大劉對甘比非常愛錫,安排大批保安護駕。歎足兩粒鐘先走人,不過之後甘比唔係返閨休息,佢精力旺盛,竟然由灣仔過尖沙咀撐大劉商場The One場,事關當日林到舉行活動。見到在場大批記者,秀樺最初好奇地望實鏡頭,十分可愛。但後來佢因為閃鎂燈刺眼,忍唔住皺眉低頭。好在到林出場時,秀樺完全被佢吸引,睇到眼都唔眨。

其實甘比佗秀樺時,入院生女前兩日,依然會陪大劉到福臨門飲茶。呢次佗慈菇椗,佢更孖住大劉食魚生,可見真係百無禁忌,而且活動如常。

由於甘比今胎係慈菇椗,即是大劉繼與寶詠琴所生劉鳴煒,以及跟女友呂麗君所生次子後,大劉第三名兒子。因此大劉甚為緊,早在今年5月,甘比已預訂山頂明德醫院私人套房B,仲聘請星級陪月及3名私家看護24小時照顧BB。而當甘比生下兒子後,便與呂麗君打成平手,二人地位勢將平起平坐。

image
放大圖片
image
放大圖片

tvb4life 發表在 痞客邦 留言(0) 人氣()