強勢襲港
一身「盛裝」嘅黃聖依,大步大步咁由酒店行出嚟,甚有氣勢,可惜當時太大風,佢頂村姑帽話咁快吹甩!

靠星爺套《功夫》闖出名堂嘅黃聖依,被內地傳媒封為「中國四小花旦」(其餘三位係劉亦菲、楊冪同王珞丹),撈到風生水起。
不過今年 29歲,祖籍四川嘅聖依,原來一冇咗華衣包裝,就同大家喺街撞到嘅「強國人」冇分別。話說媽咪姐早前喺沙田某酒店撞到聖依,佢身穿粉紅色上衣襯黑色四個骨 legging,外面再披多一件白色近似透明嘅乾濕褸。咁都未算驚,最恐怖係佢戴住嗰頂帽真係並非隨處可見,係米白色花花圖案連紫色邊嘅漁夫帽。
聖依呢個村姑 look,橫睇掂睇似自由行多過藝人。

架勢十足
好在聖依好身手,好快將頂帽接住!披頭散髮?驚咩呀!咁仲襯呢個騎呢 look啦!

楊子(左一)同黃聖依(左二)經常拍住出席活動,喺楊子打造下,身穿紅色晚裝嘅聖依算幾 sharp,可惜佢個妖妝,真係好 Halloween囉。

tvb4life 發表在 痞客邦 留言(0) 人氣()