插圖: Wendy

揞名爆

「嗲鱔」陪賭俾客插

2012年12月14日 ~~ 第907期 忽然1周

近期娛樂圈負面新聞多多,乜嘢「集體開飯」,然後又引出話有色慾派對,好多妹妹仔問媽咪姐係真唔係呀?唉,只可以講,呢個世界從來都唔係表面睇咁簡單嘅。

好似最近又有個長居澳門做生意嘅二五爆料,話喺當地某 VIP賭廳見到視界紅人「嗲鱔」喎!咦,唔通佢壓力太大,變咗好賭一族? No嘞!「嗲鱔」一向理智精明,邊會無啦啦揼錢落鹹水海吖,佢係陪一個強國大老細去賭「百家樂」啫。
係呀,你無睇錯,住豪宅揸靚車嘅「嗲鱔」陪賭呀!更估唔到嘅係,佢陪住嗰位強國大佬細,唔夠 15分鐘就輸咗幾百萬,輸到面都燶埋,當住賭廳大班人面前狂插「嗲鱔」:「你真係佗衰家!早知『琴』晚就唔『嘜』你啦!」搞到「嗲鱔」𤓓爆,但又唔捨得離開個「人肉金庫」,惟有硬食!嗯,媽咪姐大膽揣測,個『嘜』字應該係「 mark」咁解,之不過,阿強國人夜麻麻「 mark」住「嗲鱔」做乜呢?就留俾大家自己慢慢意會一下咯。 

tvb4life 發表在 痞客邦 留言(0) 人氣()