上流滙

奪命金

2012年12月14日 ~~ 第907期 忽然1周

沉寂多年的 metallic color(金屬色)捲土重來。隨住潮流變化,金屬色不只是用來襯托時裝的綠葉,不少大牌更將金屬色演變成七彩金銀,閃爆奪人,成為今冬及明年春夏大熱。
不少名人和藝人已經搶先一步,爭相成為「拜金」一族,閃到攞你命三千。

何超瓊優雅貴氣


Dolce& Gabbana
Ricky評︰「 Pansy個 look好 elegant,係佢一貫嘅打扮。條裙用咗銀色 embroidery(刺繡)喱士嚟配釘珠,手工好細緻,閃得嚟又唔會太誇張,感覺端莊得體。」

李嘉欣青春搶鏡




Roberto Cavalli
Ricky評︰「 Michele條娃娃裙好靚,感覺 girly,襯埋長 boots,比佢平日嘅高貴打扮 young好多。配埋 bling bling嘅頸鏈,好有聖誕節日氣氛。」 

周汶錡簡單 sharp醒




Jonathan Saunders
Ricky評︰「 Kathy條裙嘅物料好反光,比較難 carry,容易令人肥,好彩佢身形夠高䠷。長直髮型,襯埋簡潔嘅細 clutch同高踭鞋,簡單有型,好似閃閃發光嘅美人魚。」 

Lisa S.身形搭夠




LV
Ricky評︰「今年好興呢個長度 嘅裙,好難搞,容易令對腳短 咗。不過 Lisa依家個肚唔算好大,本身瘦底又咁高, carry得好好。 A字形裙款好修長,同 open toe高 踭鞋 match好襯。」 

黃婉佩過分露肉




MAJE
Ricky評︰「件衫中門大開,加咗條 belt扣住,幾 sharp。不過上露下露,好似𡃁模咁,唔得矜貴。下身襯 skinny jeans會好好多,嫌對眼化得太誇張。」 

金屬男


緊貼潮流不只是女士們專利,不少男士爭相奉行金屬熱,齊齊鬥閃。 Ricky指:「男士揀低調色會較易襯,好似銀灰、古銅及黑灰咁,型得嚟又穩陣,仲可以着多幾次,唔怕浪費。」

黃偉文視覺修長




Burberry
Ricky評︰「 Wyman件 metallic褸好靚,褸嘅長度令佢身形比例瘦咗,裏面襯黑白色衫褲,簡單有新意。」 

許志安配件過多




Ash
Ricky評︰「佢放太多嘢上身,又戒指、手帶,感覺好亂。條褲襯黑 T恤、波鞋仲好睇,加上哈哈笑唔啱佢年紀,換條古銅 metallic褲會潮啲。」 

梁漢文又肥又矮




Burberry
Ricky評︰「 Edmond個 image都襯得到 metallic,不過呢件褸太大件,令佢身形好怪,有啲變形俠醫 feel。」 

忌放全身


Jean Paul Gaultier

金屬色並非人人駕馭得來。 Ricky指:「 Metallic已經好搶眼,最忌由頭閃到落腳,妝容應以簡單為主。反光布同珠片容易令人變得圓潤,所以膊位闊、 pat大嘅人就盡量避免着。金屬色放喺手袖、領位會易搞好多,而手袋、皮鞋就更好,起碼唔止用一次,因為 metallic唔係年年興。」 




星級形象指導郭慶彬( Ricky Kwok)曾與樂基兒、熊黛林等藝人合作。早前他被邀到巴黎欣賞 Chanel、 Valentino等時裝騷。 

撰文:蔡靜雯
攝影:甘承威、陳志輝

文章標籤

tvb4life 發表在 痞客邦 留言(0) 人氣()