周麗淇(Niki)、黃宗澤(Bosco)、苗僑偉(三哥)和萬綺雯(蚊蚊)日前為新劇《好心作怪》拍攝單車戲份,早前承認左腳生良性腫瘤的Niki,在劇中飾演一名單車好手,更要狂踩單車,雖然她早前已做微創手術,但腳上明顯還有一個大約5元大的瘤凸出,她透露是一次跑步健身時發現腫瘤:「因為我有一次跑吓跑吓,跟住覺得隻腳好痛,返屋企發現腫咗,我搵啲嘢諗住消腫,但係消極都唔得,所以去睇醫生。」

另外,與Niki飾演情侶的Bosco透露二人將有Kiss戲,談到他甚有艷福時,Bosco即推卸在三哥身上:「三哥仲勁啦!除咗Niki,仲有蚊蚊做佢老婆。」當問到三哥時,他又以劉松仁來擋駕:「邊夠松哥咁有艷福呀!佢喺《名媛望族》入面周旋喺咁多女人中間。」而萬綺雯則表示拍完此劇後便會暫停休息一會:「我已經Book咗機票,會先同老公二人世界,再同朋友去埋上海等地方,過個暖嘅聖誕。」

黃宗澤自爆與Niki有Kiss戲。
黃宗澤自爆與Niki有Kiss戲。

周麗淇和苗僑偉在劇中有不少對手戲。
周麗淇和苗僑偉在劇中有不少對手戲。

tvb4life 發表在 痞客邦 留言(0) 人氣()