我仲未死得!(設計對白)

外太空

PSY:我剝晒都唔掂!

2012年12月06日 ~~ 第1187期 香港《壹周刊》

香港頒獎禮,咪獻世啦,尤其今屆 MAMA移師香港舉行,撞正《 Gangnam Style》 PSY全球大熱,金曲金獎,其實前年係《 Nobody》,今年應該係呢首。
PSY駕到,三星期內馬不停蹄連飛七個國家,即使坐私人飛機,抵達香港時仍然一臉倦容。
更有傳他以三百萬天價在澳門蒲場表演唔夠九分鐘,跳一次騎馬舞就算,因為抵達澳門前,一度休克暈倒。
PSY坦言,由今年六月爆紅起,未放過一日假。十二月又要再飛美國,今次唔係陪麥當娜,見奧巴馬一家之嘛,再去華盛頓博物館開騷。人家花十年時間做的事,他半年內做晒。抖抖? PSY好坦白:「邊個知我紅到幾耐?下一首歌,我剝晒都唔掂呀!」

罕有黑面




有記者唔生性,問 PSY點解喺美國 Billboard連續七星期只得梗頸二(仲試過跌落第七位)?一向友善親切的 PSY忍唔住黑面,仲用英文反問” What kind of question is it?” 

三月出新歌


「到目前為止,我的 MV點擊率是八億五千萬。這數字很驚人,我相信很難再打破紀錄,就算我剝晒衫都未必得。」得獎後, PSY有點感慨。但 PSY不論在音樂上、潮流上,甚至國際形象上,都已成韓國代表,背負千千萬萬國民期望。「我諗緊下一個 MV的題材,仲有新舞蹈,好擔心大家的反應。」乜都未諗到,但明知騎馬舞熱潮有限,唯有為自己定下死線,宣布一月開拍新歌 MV,三月要見街,以保人氣持續。
又未使咁驚住,至少活在當下, PSY肯定橫掃,以 11月 29日在新濠天地 Cubic的演出為例,當日所有流程到開幕為止連澳門協辦單位也不清楚,無人確定 PSY會演出幾耐、跳幾多隻舞。但平均$650一張門票,包桌觀賞更是十八萬一張,依然爆到超過入場上限, PSY最後只演出不到十分鐘,換了第二個歌手,點離場?奇怪是,完場時,觀眾竟無投訴,各人知道無安歌就和平散去。騎馬舞魅力,真係好勁!


騎馬舞音樂一出,個個彈起身,連 BigBang、 Super Junior都係咁跟住跳,人人 high到爆, PSY眾望所歸帶起成晚高潮。


大會落重本整咗個巨型吹氣 PSY,所有觀眾即刻舉機影相,好似見到奇景咁。

泫雅再 sell長腿


一首《 Gangnam Style》,除咗紅出 PSY, MV內著超熱褲陪舞的泫雅亦大受注目。泫雅本名金泫雅, Wonder Girls成員,因病退出後,加入 4 minute,其實個人發展仲勁,《 Gangnam Style》之後,自己唱晒嘅《 Ice Cream》,搵番 PSY客串,四日已經在 YouTube衝破千萬點擊率,又打破紀錄。睇咗佢個 MV之後,你會明白,點解大家對港版山寨版 JJ的表現,如此劣評如潮。


跟 MV一樣,泫雅陪 PSY在 MAMA合跳騎馬舞。條褲,使乜講嘢?


泫雅同緋聞男友張賢勝( BEAST成員)不避嫌繑住手入 MAMA會場。


泫雅 vs JJ,論身材可能不分高下,但論舞姿泫雅肯定贏足九條街。


有 PSY客串食雪糕的《 Ice Cream》 MV,點擊率即刻過二
千萬。

無馬騎鬥性感




每年 MAMA,最矚目必數台上的親熱場面,最經典是 08年 BigBang的 T.O.P與李孝利演繹《謊言》時深情互吻,外界一度盛傳他們關係曖昧。到上年 4Minute泫雅與 BEAST賢勝組成 Trouble Maker,頒獎禮上激吻,馬上哄動韓國演藝界,直指緋聞男女假戲真做。不過今年 PSY騎馬舞搶盡風頭,如何親熱,咪又係淪為陪襯品?所以無人肯蝕底。難得女歌手徐仁英盡地一煲,上台唱《 Any More》時,由大褸逐件剝,除到剩番件情趣內衣,一身吊帶黑絲襪,一路自摸,連台下女 fans都睇到興奮尖叫,搏到一線生機。 

徐仁英內衣登場


仁英行紅地氈時低胸示人,事業線贏盡全場。

廿八歲的徐仁英一向走大膽性感路線,試過出騷時,穿黑色緊身衣加閃爆臍環跳辣身舞。今次頒獎禮仲正,情趣內衣香艷壓場,睇怕後無來者。 

上年少女時代係女團大贏家,今年影都無。邊個上位?咪 SISTAR同 KARA囉,前者攞最佳女子組合,後者贏全球最佳女子組合(勁過 TVB分豬肉),但 SISTAR落場大晒長腿, KARA棟篤企攞獎齋咗啲喎!


SISTAR露長腿


KARA棟篤企

韓藝瑟尷尬甩 Bra




○六年憑韓劇《幻想的情侶》冒起的韓藝瑟,嚟 MAMA頒獎落足本錢,唔單止低胸示眾,仲要行行吓忽然走光,認真抵睇。 




新進女子組合 Davichi,首張專輯《 Amaranth》的單曲 MV因有李孝利演出而引起話題,到正式落場,靠自己喇,唔低胸短裙點交代?


本來喺美國讀緊大學的韓國人 Ailee,網上自貼作品紅咗,上年即刻休學出道,攞到最佳女新人獎,即場夾胸演出答謝,真識做。

BIGBANG隊長贏 PSY


除咗 PSY,多得 Angelababy被傳溝 BigBangi成員 G-Dragon,即將在港開騷的 BigBang總算有番啲新聞。雖然 BigBang早前被爆出成員私下吸煙、耍大牌等負面消息,但一樣連奪全球最佳表演獎、年度最佳藝人及最佳男子組合獎,其中隊長 G-Dragon更力壓 PSY,獲得最佳男歌手。反觀 Super Junior,隊長利特入伍,成員希澈亦在服兵役,已經湊唔夠人,隊員銀赫仲要喺上月爆出與十九歲新人女歌手 IU的床照事件。或者受事件影響, IU明明獲頒最佳女歌手,竟然無出席,而且僅以錄影片段發表得獎感受,避忌成咁?學吓馬舞女泫雅同賢勝咁,緋聞傳通街,一樣照上台跳辣身舞,大大方方,堅!


BIGBANG浮誇
BigBang成員四年來各有各發展,難得在 MAMA重聚,浮誇本色依然無變:華麗骷髏頭、艷麗服飾、爆炸髮型繼續哄動全場,不過肌肉騷欠奉,留番 12月 8日香港演唱會。


唔睇開韓娛,唔知 G-Dragon係乜水?依家佢多咗個身份:阿嬌個韓國男友嘅老死,兼 BigBang隊長。


Super Junior唔齊人
幸好 Super Junior都贏番個全球最佳男子組合,總算同 BigBang平分秋色。

撰文:鄭鳳
攝影:陳家維、梁炳權

tvb4life 發表在 痞客邦 留言(0) 人氣()