聖誕開工阻拍拖 容祖兒扁咀

自從容祖兒(Joey)同劉浩龍(師兄)被踢爆戀情後,雖然備受壓力,但兩人感情唔錯,師兄仲長期笑笑口,明顯好風騷。好姨日前商台撞到師兄,佢剛剛完成工作,同助手一齊離開。佢見到好姨一臉春風笑得好甜,仲主動say hi,有愛情滋潤個人都醒神!

而Joey工作一直都忙,佢最近更忙為年尾頒獎禮活動拉票,又要搜羅戰衣,所以繼續密做冇停手。日前傍晚時份,Joey一個人現身中環,一身便服,素顏示人,似係收工look。佢邊行邊講電話,講到皺眉,心情一般,之後就上七人車離去。

點解Joey有拖拍都咁愁?原來佢對12月好期待,好鍾意聖誕節,仲影聖誕燈飾放上微博,之前出席活動,佢話:「今年會為屋企添置聖誕樹!」話晒今年係佢同師兄拍拖第一個聖誕節,好姨聽聞本來佢諗住去外地旅行慶祝,但Joey最近剛開始為新廣東碟錄音,請唔到假同男友去旅行,冇得享受二人世界,唔怪得冇心機啦!佢唔開心到出樣,微博講趕錄音時,仲影張扁咀相,天后唔易做呀!

image
放大圖片

tvb4life 發表在 痞客邦 留言(0) 人氣()