Zoe捉起一隻水曱甴拍照,牠居然乖乖不動,讓我們拍了幾分鐘,望落樣子又幾溫馴。

Petbook

嚇鬼寵物 水曱甴

2012年12月05日 ~~ 第1089期 交易通.搵車快線

每個人的喜好都有不同,有人愛養貓狗、有人愛養蜥蜴,但像 Zoe與 Daddy黃師傅般飼養水曱甴則是聞所未聞,查實最初黃師傅只以水曱甴來作魚餌,但自小與水曱甴為伴的 Zoe,卻對這群小動物十分感興趣,不時替牠們洗澡及餵食,閒來更會與牠們聊天和拿來把玩,視作她的小寵物一般,果然夠另類。

當記者得知外表斯文的 Zoe家中有養水曱甴時,真的大吃一驚,難得 Zoe還笑笑口說:「佢 哋唔核突 㗎,個樣仲好得意、好精靈,我成日同佢 哋玩 㗎!」講得咁輕鬆,記者好奇心大發,膽粗粗上門欣賞她的小寵物,嘩,看到 A4 size塑膠兜內,有數百隻深、淺啡色的水曱甴在爬行,記者與同行攝影師都起晒雞皮, Zoe二話不說,即捉起一隻水曱甴,放在手背上把玩,「唔使驚喎,我得閒就咁放 喺手玩。」
仔細看清楚,其實水曱甴的樣子比一般曱甴溫馴、可愛,但當作寵物,始終難接受。「其實我未出世, Daddy已經養緊喇,所以我細細個就睇慣晒,唔會驚囉。」原來飼養者是其 Daddy黃師傅,一向愛釣魚的他,廿幾年前,有次到海邊釣魚,看到有個年輕人在海邊捉水曱甴作魚餌,結果釣到很多大魚,於是便跟 着嘗試,真的收穫甚豐。「用水曱甴 嚟釣泥鰍同黃腳最好,可以釣到十幾両咁大條。」


採訪當日,黃師傅用水曱甴釣魚,魚穫豐富。


黃師傅和 Zoe兩父女一起照顧水曱甴,成為共同興趣。


Zoe的其中一個玩法,就是把水曱甴放在手背,手叠手讓牠們往前爬行。



石邊捕捉回家飼養


自此,黃師傅便開始捉水曱甴,更用魚竿、掃把和膠袋,自製可以伸縮捕捉工具。「捉水曱甴都有難度 㗎,要爬到石邊,用工具將佢 哋掃入袋入面, 啲石好跣要好小心。」
由於每次會大量捕捉,黃師傅索性帶回家中飼養,「我會用個塑膠兜養佢 哋,塑膠跣,佢 哋好難爬出 嚟,兜下面會鋪 咗少少鹹水 嘅濕報紙,每日畀 啲魚糧、浸腍 咗 嘅紅蘿蔔畀佢 哋食。」
雖然水曱甴只是魚餌,但黃師傅也悉心照顧牠們,每天會替牠們洗澡,清洗塑膠兜,更換報紙等,還用報紙摺了間屋仔,讓牠們遮陰,「一來唔想太污糟;二來都想佢 哋舒服,其實養佢 哋都幾花時間,但慢慢當 咗係興趣。」
囡囡 Zoe更視水曱甴為寵物,「我一出世已經睇到佢 哋, BB仔學行時,水曱甴 喺兜度走 咗出 嚟, Daddy就叫我幫手捉返入去;細個住村屋, 喺廁所沖涼,有 啲水曱甴走 咗出 嚟爬 喺廁所 嘅角位,我沖涼悶悶 哋,咪捉佢 哋 嚟玩,有時又會捉兩隻出 嚟玩賽跑。」

自小為伍視為寵物


黃師傅以魚竿、掃把和膠袋,自製捕捉水曱甴的工具。

小學時,她跟同學仔講起家中養什麼寵物,提到水曱甴,沒有人相信, Zoe便帶了幾隻回學校,「我一攞出 嚟,嚇到班同學大叫,以後冇人夠膽唔信我。」
不過 Zoe也有一次被水曱甴嚇親,「 Daddy唔會捉大肚 嘅水曱甴返 嚟,因為佢 哋繁殖得好快、好麻煩,點知有次,有幾隻爬 咗出 嚟,我冇為意,唔小心踩到其中一隻,幾秒間,有好多黑色小點點由個水曱甴度湧出,佔 咗半塊地磚,原來 嗰隻水曱甴大肚,有成堆 BB, 嗰一刻我都起晒雞皮,立即將隻水曱甴媽媽條屍放入個兜,再掃走啲 BB仔。」
Zoe視水曱甴為寵物,即使跟 Daddy釣魚,也不會以牠們做餌,「我唔會叫 Daddy唔好用佢 哋,不過自己對得多,始終都有感情 㗎!」 

關於水曱甴


水曱甴屬於蟑螂的一種,有逾百品種,香港常見的為東方水蟑螂,又稱岩壁蟑螂,多依附在海邊岩石面上,是兩棲性蟑螂,體長約 44至 48mm,牠們基本上什麼食物也吃,如腐木爛葉、生果、麵包等,壽命約有 3個月至 1年,每次可繁殖逾百隻 BB,生長速度很快。


黃師傅用膠兜飼養水曱甴,並用魚糧及浸腍了的紅蘿蔔餵牠們。



騷 goods
必備塑膠兜




要飼養水曱甴,最基本要有個塑膠兜,作牠們的居所。 

吉之島 2388 3171 

撰文:洪芳俠
攝影:彭自維

tvb4life 發表在 痞客邦 留言(0) 人氣()