雖然初開業,小方糖的生意未如理想,但老闆阿昇(左)及阿波決定用「唔好食唔收費」作招徠,並吸取客人意見改善食品味道及質素,成功把生意轉虧為盈。

創業通

「唔好食唔收錢」 甜品店由蝕變賺

2012年12月05日 ~~ 第1089期 交易通.搵車快線

甜品店可謂年輕人創業首選之一,但開鋪即執的大有人在,其實甜品店非想像中般的易開易賺,經營之道大有學問。好像阿昇和阿波看中九龍城食肆多,不少人愛飯後甜品,故在龍崗道開設小方糖甜品店,但開業首兩個月生意慘淡,便想到「唔好食唔收錢」來增加口碑,跟客人口味改善甜品味道,加上招牌黃金拿破崙酥餅和即撞豆腐花,開業 4個月終於收支平衡,現更月賺 7萬。

採訪當天是平日的晚上,未到 9時,位於九龍城龍崗道的小方糖甜品店已坐滿 9成,記者甫踏入店內,便聞到陣陣的酥皮香味,差不多每 枱客人都有一碟黃金(芒果)拿破崙酥餅,老闆阿昇笑 着說:「我 哋每日最多只賣 50份拿破崙酥餅,夜晚未到 11點就會賣晒。」
除了是每日限量,這裏的拿破崙酥餅亦比坊間的大件,十分受客人歡迎,「我 哋即焗,所以成間鋪瀰漫住嗰陣酥皮香味,引起客人食慾。我 哋 嘅做法同其他鋪唔同,唔會壓實個酥餅,由得佢發脹,所以會大件 啲同鬆化 啲。」
九龍城出名多食肆,只位處衙前圍道與太子道之間的一段龍崗道,已分別有 6間泰國餐館、 1間韓國餐廳和 1間潮州菜館,但只有一間中式糖水店,阿波與拍檔阿昇以西式甜品殺出重圍,除了主打拿破崙和心太軟外,還有椰皇和豆腐花等招牌甜品。
「椰皇係即開即賣,豆腐花都係自己磨,等客人落單我哋即撞,拎出去時仲係液體,客人等 4分鐘就會凝固,咁樣令人覺得新鮮同豆味濃啲。」靠着地理位置和新鮮的選料,小方糖開業不足 1年已月賺 7萬。


小方糖位於的一段龍崗道,附近已約有 10間食肆,阿昇說︰「 啲人食完飯好鍾意食埋糖水,我 哋都係睇中呢點先租呢度。」


未到晚上 9時,店內已有 9成入座率,桌椅間空間都寬敞,環境舒服,成為賣點之一。

由甜品店學徒做起


今年同是 28歲的阿波和阿昇,原在同一間糖水店工作,「我 哋都係中五畢業後參加展翅計劃,當時覺得 喺酒店整甜品好高級,但我 哋達唔到入酒店 嘅要求,所以 喺糖水鋪做學徒,點都叫有門手藝搵食。」
11年阿昇動了創業的念頭,「我 哋 喺糖水鋪都做 咗 7、 8年,老細畀我 喺分店帶新人同管理,但工字冇出頭,既然學識點 run一間鋪,不如試吓創業,我問阿波 嘅意見,佢一口應承,之後就開始準備。」憑着多年積蓄,加上投資有道, 2人各出 40萬作為創業資金。
要開甜品店選址很重要,阿昇與阿波便四處尋找鋪位,「我 哋心水 喺旺角、九龍灣、天后同九龍城呢幾個多人流 嘅地方搵鋪位,但我 哋之前 喺九龍城返工,阿波又住 喺度,我 哋見龍崗道有吉鋪,就約業主睇鋪,但業主話上手係個租霸,幾個月冇交租,拆晒 啲 嘢走,連假天花都拆 咗,周地垃圾,為 咗符合飲食牌照要求,我 哋要用多 10萬裝修,但我 哋見龍崗道多食肆, 喺度開甜品店一定有人流,所以都決定租呢度。」
買器具、租金、裝修及雜費已用了 80萬,其他方面,阿波和阿昇便想盡辦法節流,「好似 menu就自己整,影相、執圖、排版等都一手包辦,其實我 哋對呢方面冇咩認識,全靠上網學執相,搞 咗成個月,先整到個 menu出 嚟。」自租鋪開始,準備甜品及裝修用了 2個月,小方糖在今年 1月正式開張。


黃金(芒果)拿破崙$30
每日限量 50份,每晚即叫即焗的拿破崙,令店內充斥酥皮味,引起客人食慾。


朱古力心太軟$38
阿昇會在碟上加上圖案,亦可應客人要求加上 Happy Birthday等字句,令客人感覺窩心。


即撞木桶
豆腐花$25


首先將鮮磨的豆汁調配好,再倒入木桶內,會連計時器上 枱,客人等 4分鐘就可嘗到熱騰騰的豆腐花。



按客評語改善品質


九龍城食肆林立,甜品店也有十多間,為了留住客人,他們花了不少心思,「 啱 啱開鋪 喺附近派傳單,但冇咩成效,最初諗住要守半年,但頭兩個月係咁蝕,真係有 啲驚。為 咗吸多 啲宵夜客,見周圍鋪頭開到 2點,我 哋就開多一個鐘。」
他們又想到,可能食物未必 啱客人口味,所以想到「唔好食唔收錢」來增加口碑,「既然鋪頭客人唔多,我 哋可以同客人多 啲交流,見到佢 哋食剩好多 嘢,就走埋去問點解,客人好多時都會畀回應,最初我 哋個焦糖燉蛋,好多客人話太甜、太流質,我 哋就慢慢改善。客人食剩 啲 嘢,我 哋唔收佢 哋錢,當時每日都要倒好多食物,但為 咗保持新鮮同質素,浪費食物都冇辦法。我 哋跟住客人 嘅評語去改善, 啲味道愈做愈好,慢慢做到個口碑出 嚟,加上有招牌菜,第 4個月開始收支平衡。」
阿昇與阿波各司其職經營小方糖,但合作難免有時意見不合,「我之前 喺鋪面做過,對外事務好似同客人溝通、員工管理由我負責;阿波細心 啲、對事物好有要求,廚房就交晒畀佢。不過我好性急,客人一催,我就係咁催廚房,但一快質素就好難保證,慢慢我 哋就有共識,質素先係留到客人 嘅主因,咁我惟有安撫 啲客,解釋番整新鮮甜品要花 啲時間。」


客人 Ann
我好鍾意食呢度 嘅椰皇同芒果拿破崙酥餅,覺得分量好夠,而且呢度坐得幾舒服,唔使好似其他糖水鋪咁同人背貼背,我都推薦畀朋友嚟呢度食,希望佢可以繼續保持水準。


客人阿水
我本身住喺葵涌,不時都會入九龍城食飯,有次行過小方糖,試過芒果拿破崙酥餅,覺得分量好足,而且生果又新鮮,幾有水準,之後都不時過 嚟食。

坐得舒服留客之道


現在小方糖每晚 10點至 12點最為繁忙,每晚都有十數名客人在店外等候,「我 哋想客人坐得舒服 啲,所以 枱與 枱之間會寬敞 啲。試過有晚好多人,諗住擺多行出 嚟,但搞到客人出入唔方便,之後都係維持番原狀,留客最緊要。」
經營甜品店,另一困難是聘請員工,「家實施 咗最低工資,保安都搵到成萬蚊一個月,但做樓面有幾個鐘會好忙,又要成日企,唔係太多後生仔肯做。所以我 哋請人時要睇佢踏唔踏實外,最好要住得近,因為我 哋收 2、 3點,唔想員工成日做做吓就走。」
現時店鋪成績不俗,但阿昇與阿波並未自滿,希望可以在每個節日都推出特別甜品來吸客,「我 哋之前 喺 halloween整 咗 啲特色甜品,好似血腥拿破崙, 喺酥皮度 咗個鬼面,不過整節日系列都幾需要時間 嚟諗名同試味, 嚟緊我 哋都會推出聖誕系列,希望趕得切。」


阿昇身為老闆,會親力親為準備材料,


龍珠$28
每天都要為龍眼剝殼去核,絕不隔天,只希望保持甜品新鮮。



開業成本


租金︰約$150,000( 2按 1上)
入貨︰約$100,000
雜費︰約$520,000(裝修、用具)
總投資︰約$770,000

每月收支


租金︰約$50,000
入貨︰約$50,000
雜費︰約$90,000
人工︰$100,000( 6名員工+2名老闆)
營業額︰約$360,000
盈利︰$70,000

小方糖甜品
地址:九龍城龍崗道 23號地下
電話: 2718 8825

開甜品店攞咩牌?


開糖水店要向食物及環境衞生署申請一個食肆牌照方可營業,牌照費根據食肆面積大細而定,由$2,520起,當中要遞交不少文件和符合相關要求,例如衞生設施、樓宇結構及走火設施、火警安全等條件都要合乎標準,如新創業者怕麻煩,可找坊間的工程公司承辦裝修及申請牌照,裝修連牌照申請費用,一般由 2、 30萬起,視乎食肆種類和大小而定。阿昇說︰「我 哋都有叫工程公司申請埋牌照,我 哋要有工程公司驗證過間鋪 嘅工程符合規格,先可以將申請表格畀政府。」

食物及環境衞生署
http://www.fehd.gov.hk 

撰文:曾志恒
攝影:彭自維、黃家活

tvb4life 發表在 痞客邦 留言(0) 人氣()