插圖: Wendy

揞名爆

「五蚊眼」「大鼻仔」有愛無性

2012年11月23日 ~~ 第904期 忽然1周

圈中情侶最鍾意拖拖拉拉,好似「五蚊眼」同「大鼻仔」拍拖嗰陣,一時公開打情罵俏,一時又扮唔熟。好啦,大家睇得多,以為呢啲係佢哋拍拖嘅 style,又以為佢哋應該會就咁行落去,點知呢 pair影壇情侶忽然又話分手嘞!唔經唔覺,又分咗幾年咯。

嗱,最近有圈中二五同媽咪姐講:「你知唔知佢哋點解分手吖?其中一個原因,咪就係有愛無性囉!」話說「五蚊眼」同「大鼻仔」拍拖後期,女方話男友成日偷食,好污糟!所以有好長一段時間都唔俾「大鼻仔」掂佢,就算共處一室,都眼看手勿動㗎。血氣方剛嘅「大鼻仔」就同班 friend呻,話拍拖拍成咁,好灰喎!但佢哋又唔係完全唔愛噃,都揼咗好長一段時間先真正分開。不過媽咪姐就覺得分手原因,可以用 3個字講晒,未玩夠! 

    tvb4life 發表在 痞客邦 留言(0) 人氣()