小特搜

別注指甲

2012年11月23日 ~~ 第904期 忽然1周

女人對扮靚最有耐性,時刻執靚樣見人唔在講,連指甲都要花盡心思。最近大熱 嘅彩繪指甲,已經進展到有人手畫花、黏石,加埋立體公仔,包冇撞款。難怪唔少名人、藝人追捧。

傅明憲 3D貓


傅明憲喺微博大晒立體指甲,順勢晒埋超巨心形鑽戒,有指鑽戒為男友莊家彬送嘅求婚鑽戒。

「我 啲指甲係吳國敬個女友幫我整,三個禮拜整一次,佢好清楚我鍾意咩,次次都係佢話事。我冇話興咩色就去整,最鍾意就係粉紅色同 Hello Kitty。立體 嘅 gel甲好靚,不過都有少少唔方便,尤其係拎筷子,古巨基都講 咗好多次。」
美甲點: ElaineEnail 

余詩敏為女 gel甲


「冬天衫多數係深色,所以我會揀番 啲鮮色 gel甲,睇落去 sharp啲。我一個月整一次,因為要照顧小朋友,又要煮 嘢食,怕指甲油甩落食物度。長度方面,要 keep住短同圓,拎嘢都方便 啲,又唔怕整親囡囡。」
美甲點: T Nail




余思敏嘅指甲圖案以線條與波點拼合而成,簡單有型,連囡囡都話靚!

何超盈七彩甲


「我最近鍾意整彩色甲油,因為只得一種色會好悶,依家一次可以揀唔同 嘅色, colorful啲、開心 啲。我大約一個星期轉一次,有 pastel、 metallic color(金屬)系列。除 咗顏色,最緊要係護甲,連甲邊皮膚都要搽 hand cream或者 oil,咁先會靚。」
美甲點: Hair




出席另一活動嘅何超盈,已經轉咗另一彩甲仔,講明貪新鮮,轉色要夠快。襯埋購自美國嘅型格飾物,好鬼突出。

至潮花甲




彩繪指甲 hit爆全球,唔少女士自家設計圖案,有型格撞色、 cute爆卡通人物,款式多到暈。想 keep得耐 啲,有人會去做 gel甲,費用由$200到$600不等。最近更有日本新 Apps叫 Girls Pic(小圖),俾女士上載相片,分享自己 嘅靚指甲,姊妹們學吓 嘢喇! 

    tvb4life 發表在 痞客邦 留言(0) 人氣()