陳豪(阿Mo)同陳茵媺(Aimee)拍拖以嚟一直甜蜜,羨煞旁人,前排仲盛傳阿Mo向Aimee求婚成功,出年喺澳洲結婚㖭,不過佢哋否認話冇咁快。其實大家都睇好佢哋會開花結果,果然近排多人結婚、生仔分散咗注意力,原來阿Mo同Aimee靜雞雞去咗歐遊預支蜜月。

笑晒着情侶裝

有個叫做「滾石搖擺的田鼠」嘅博友前日喺微博上載咗張阿Mo同Aimee嘅合

合照,佢話喺巴黎羅浮宮參觀蒙羅麗莎畫像時,突然發現身邊嘅係阿Mo同Aimee,當時佢兩個着黑色情侶裝,Aimee戴住帽同粉紅色頸巾,博友讚佢哋好襯,不過當佢邀請阿Mo合照時,阿Mo以女朋友喺身邊為由婉拒,呢個理由都幾特別。其實阿Mo三個月前拍完《金枝慾孽(貳)》後一直休息,今日會為無綫台慶試衫,而Aimee拍完《仁心解碼II》後都休息緊,可能佢哋趁呢段空檔去玩增進感情。

另邊廂,陳豪舊愛廖碧兒前日接受鳳凰衛視《港人自講》節目訪問,佢話08至11年最唔開心,尤其係同男友分手單嘢矛頭指向自己,壓力大到崩潰,雖然佢冇講陳豪個名,但大家心知肚明,佢喊住話:「我慣咗唔解釋私事,唔傷害人就得,做好本份就算。」

陳豪陳茵媺蜜遊羅浮宮
■阿Mo同Aimee着晒黑色情侶裝參觀羅浮宮,好鬼甜蜜。微博圖片

 
 

    tvb4life 發表在 痞客邦 留言(0) 人氣()