我得寵:小儀新寵入門怕激嬲Dee Dee 8,357 


■小儀對芝娃娃情有獨鍾,兩小狗更相同毛色,似足兩兄弟。攝影:陳志嵐

小儀家中最近增添一名新成員「細佬佬」,是一隻出世兩個月的芝娃娃。小儀有如新手母親,小心翼翼照顧這隻BB狗,但又不可以太偏心,以免9歲的芝娃娃大哥「DeeDee」呷醋而感到不悅。撰文:李珮洳

商台DJ阮小儀未養DeeDee前,心目中一直想養臘腸狗,她說:「我以前成日聽人講芝娃娃成日吠好嘈,加上睇書見到日本人養臘腸狗,覺得好靚。後來去到pet shop見到DeeDee,就一見難忘,同埋佢真係好乖,同我印象中嘅芝娃娃好唔同。」
多年來小儀都希望養多一隻芝娃娃,可惜一直遇不上合眼緣的,而且她的宗旨是領養,她說:「我唔希望再買狗,之前我都去過愛護動物協會(SPCA)睇過,但係都睇唔啱。今次細佬佬係媽咪朋友隻狗仔生嘅,我揀佢係因為佢同DeeDee嘅顏色好似。」



■雖然小儀工作很忙,但每天見到愛犬Dee Dee及細佬佬即很滿足。 

■一向愛狗如命的小儀,一有時間就搜購用品給愛犬。 傳心術安撫老大

家中已有小動物的主人都應該知道,如果接新寵物回家,一定要顧及老大的感受。小儀接過細佬佬回家後,非常留意DeeDee的舉動,而她事前亦找來朋友與DeeDee溝通,她表示:「我拎細佬佬返嚟前,搵咗個識動物傳心術嘅朋友同DeeDee傾偈,因為都驚佢唔開心。最搞笑係DeeDee冇反對,仲話會食晒細佬啲嘢,好彩到目前為止DeeDee都冇唔開心。」小儀更一早向媽媽表明要遵守事事以DeeDee為先的規矩,例如回家要先叫及摸DeeDee,開飯同樣是老大先吃。



【細佬佬】
品種:芝娃娃
年齡:兩個月
性別:雄性 

【DeeDee】
品種:芝娃娃
年齡:9歲
性別:雄性 家有家規免失控

對於只有兩個月大的BB狗,小儀最緊張是教牠不要四圍大小便,幸好細佬佬很快學識自行入籠解決,沒有四處便溺。不過細佬佬有一個壞習慣,因為出牙,有時會咬小儀的手。為免小狗養成壞習慣,小儀強調一定要懲罰牠,她說:「養任何動物都係,絕對絕對唔可以畀佢咬人,咬慣咗就好難改。當佢咬人,要大聲喝佢。」其實寵物的行為,就如小朋友,取決於家長或主人怎樣教導。小儀為免寵物成為無禮的小朋友,早在多年前帶同DeeDee一起去SPCA上狗隻行為訓練班,讓寵物學識服從主人的指令。
場地提供:Whiskers N Paws

tvb4life 發表在 痞客邦 留言(0) 人氣()