今晚《名媛望族》,楊怡又上演重頭戲,對手係羅莽&「流氓s」,劇情講楊怡慘遭呢班人渣輪姦,奪去處子之身,羅莽仲要笑淫淫咁話﹕「原來你未開苞…」仲搞到楊怡個角色嚴重受創,冇仔生。

劇情係咁講嘅﹕「卓萬(劉松仁)要求爾嫣(陳玉蓮)陪子君(楊怡)往見醫生,醫生替子君檢查後,問子君是否曾受很大的創傷,擔心影響她成孕的機會。子君表示想一個人靜靜,隨即離開。

「子君憶起多年前曾拒絕惡霸邀約而得罪對方,結果被強行捉到一個貨倉慘遭輪姦的經歷……。」就係呢抽省略號……監製莊偉健話過,唔止一秒。

學官恩娜話齋,觀眾想睇強姦、輪姦畫面,真係好變態。其實最變態係你公司TVB呀。有心水清網民數下手指,原來除咗《雷霆掃毒》徐子珊之外,《天梯》嘅陳茵媺都曾俾流氓強姦,仲搞到因姦成孕;《名媛》楊怡又係俾流氓搞;仲有兩套未播嘅新劇,《神探高倫布》裡面嘅唐詩詠有場被強姦戲,佢受訪時仲笑笑口話:「我強姦戲做得唔錯,勾引人亦都開始上手。」高海寧喺《法網狙擊》都俾人強姦。TVB,姦夠未?收手未?

今晚《名媛望族》。受害人﹕楊怡(劇照)
今晚《名媛望族》。受害人﹕楊怡(劇照)
《雷霆掃毒》。受害人﹕徐子珊(劇照)
《雷霆掃毒》。受害人﹕徐子珊(劇照)
《天梯》。受害人﹕陳茵媺(劇照)
《天梯》。受害人﹕陳茵媺(劇照)

    tvb4life 發表在 痞客邦 留言(0) 人氣()