近年演奸角演出位的無綫藝員黃智賢,於民初新劇返璞歸真,演一名情深漢子,與「小龍女」陳玉蓮發展感情線。他首次與蓮妹合作,表演得乍驚乍喜,拍攝親密鏡頭時左諗右諗:「小龍女神聖不可侵犯,死喇,我隻手掂佢好定唔掂佢好呢?」

黃智賢(Ben)去年演的「辣薑」奸到出汁,奸到贏埋台慶「最佳男配角」,奸角形象深入民心,睇得人咬牙切齒!但他於民初新劇《名媛望族》還原基本步,演他最拿手的「好人」角色,與近年回流無綫拍劇的陳玉蓮發展感情線,當他得知有機會跟蓮妹合作時,驚喜莫名:「估唔到我可以同『小龍女』拍戲!仲要同佢拍第一場就有身體接觸嘅戲份,我拍嗰陣諗,『小龍女』神聖不可侵犯,死喇,我隻手掂佢好定唔掂佢好呢?」他大讚蓮妹演技不慍不火,切合角色性格。

在劇中飾演絕種好男人的Ben,眼見蓮妹已嫁予他人,但仍默默守候,這種偉大情操未必一般人能夠領略:「我對蓮妹嘅感覺係見到佢幸福就安然,因為你愛呢個女人,所以唔會敗壞佢嘅名聲。」

首次與「小龍女」合作的黃智賢表現緊張,覺得對方「神聖不可侵犯」!
首次與「小龍女」合作的黃智賢表現緊張,覺得對方「神聖不可侵犯」!

黃智賢與陳玉蓮在《名》劇中有感情線。
黃智賢與陳玉蓮在《名》劇中有感情線。
黃智賢於劇中因為與陳玉蓮地位懸殊,慘遭蓮妹家人棒打鴛鴦。
黃智賢於劇中因為與陳玉蓮地位懸殊,慘遭蓮妹家人棒打鴛鴦。

自己消毒餐具

他們拍這套劇時,走訪上海多個名勝取實景。Ben又大爆蓮妹並非想像中嚴肅、不食人間煙火,而且有個小習慣:「每次拍戲食飯,佢都會拎個樽仔出嚟,入面裝咗啲好高濃度嘅酒,用嚟抹餐具消毒,因為佢經常去內地做義工,山區搵唔到消毒紙巾、火酒,都係靠呢個方法嚟消毒!」

採訪:專案組

攝影:李廣成

服裝及場地:Timberland

髮型:Willie Chan@HAIR CORNER

    tvb4life 發表在 痞客邦 留言(0) 人氣()