大肚5月 買鞋迎婚 湯盈盈:Everything very good!

現已懷孕5個月湯盈盈,下週二(13日)將會同拍拖5年錢嘉樂拉埋天窗,海洋公園熊貓館註冊結婚,然後再週四(15日)假洲際酒店擺喜酒,的確可喜可賀。

大婚前夕,嘉樂繼續努力賺奶粉錢,為令老婆安心又放心,佢已經決定唔再玩賽車,難得貪玩嘉樂仔浪子回魂肯為家庭想,盈盈就梗係甜入心,埋心水做個好人妻好媽媽。上週五(2日),大肚盈盈就住部Benz座駕去中環開心掃貨,當日佢先去Titikaka睇鞋,而呢個牌子都有唔少新娘鞋,斷估盈盈都係為結婚當日置裝,不過佢好醒目,到記者即上二樓試鞋,之後就見佢離開鞋舖,將戰利品放入車尾廂後,就再去隔離健康食品店買盒威化餅,期間咁TVB攝製隊附近拍,盈盈仲主動上前同班工作人員吹水。

其後好姨透過whatsApp問候盈盈,佢話自己大肚後「Everything very good!」不過有關結婚細節,佢就已經全盤交晒俾好姊妹兼wedding planner梁靖琪(Toby)負責。其實呢次Toby都好唔話得,為幫盈盈打點婚禮日日東奔西跑,仲幫一對新人周圍傾贊助,同嘉樂仔慳番唔少!

image
放大圖片

    tvb4life 發表在 痞客邦 留言(0) 人氣()