陳冠希 拖女返 酒店斷正 哈囉喂狼來了! 


【今日我至揚】陳冠希日前同Ann大街大巷拖晒手,同公開戀情冇分別。台灣《壹週刊》圖片


【台北】陳冠希(Edison)身邊一向多女,佢同「女版Nel Nel」謝芷蕙(Cammi)分手之後,先後同麥浚龍舊愛戴庚玲(Janine)以及內地富二代王思喬等傳過緋聞,而最近一期嘅新歡就係佢自己台灣潮店Juice嘅女sales。



Edison帶Ann匿埋公園角落位飲嘢談心,真係講心唔講金。台灣《壹週刊》圖片 

公園灑水系統開動,Edison於是轉場帶Ann返佢入住嘅晶華酒店繼續談心。台灣《壹週刊》圖片 

Edison喺instagram擺新相,原來佢前晚扮白狼同班員工慶祝哈囉喂。 挽手行公園

原來,Edison呢位新歡唔係之前傳聞叫Angela,而係叫洪文安(Ann),今年22歲嘅Ann比今年32歲嘅Edison細足10年。本周一晚,Edison被發現同Ann喺台北拖手行街,兩個人買咗啲飲品之後,走咗去附近公園一個好僻靜嘅角落位坐低談心。點知咁啱公園自動灑水系統啟動,Edison就即刻拖Ann起身,然後乘機帶Ann返佢入住嘅晶華酒店繼續傾心事。呢輯拖手相令佢哋四個月戀情浮晒上面,Edison今次想唔認拍拖都幾難囉!



22歲嘅Ann拖住Edison時個樣冧爆。台灣《壹週刊》圖片

另外,Edison前晚亦有同員工慶祝哈囉喂,噚日佢上載兩張相上instagram,相中佢扮一隻白色嘅狼張牙舞爪,真係夠晒「狼」。
撰文:林妃

    tvb4life 發表在 痞客邦 留言(0) 人氣()