拉姑慶生 芝帶仔出走加拿大

謝霆鋒近日接受TVB《最佳男主角》節目訪問中,親口表示不會與芝復合,大家只能各自各做番個稱職爹、媽咪。芝見復合冇望又唔使開工,唯有帶住謝家兩個命脈出走加拿大,可避風頭之餘,更可以避過出席前奶奶狄波拉生日派對,宣洩不滿。

上週五(26日)拉姑慶祝61歲生日,除老公、仔女之外,唔少好友好似譚詠麟、關菊英、葉童同老公、四太梁安琪等等都俾面出席,但拉姑兩個最錫孫仔Lucas同Quintus就俾芝無端端帶去加拿大探家姐戴碧芝。細路仔唔使返學有得玩就梗開心,但難為做拉姑,冇面之餘,連咁高興日子想孫仔陪都唔得,難怪拉姑晚表面雖然好開心,但其實好冇癮。

image
放大圖片

    tvb4life 發表在 痞客邦 留言(0) 人氣()