插圖: Wendy

揞名爆

「金魚眼」去 ball偷泣

2012年11月02日 ~~ 第901期 忽然1周

嫁入豪門,大概係好多少女、中女、甚至你隔籬屋阿七嬸嘅幻想。不過呢個世界,邊有咁便宜嘅事呢?假使你唔係含住金鎖匙出世,又唔係學富五車,或者識做飛機大炮,即係好幫得手啦!就算俾你千辛萬苦,時來運到搵到個有錢人,亦一定要付上代價嘅。好似「金魚眼」因工作關係,識到錢多女又多嘅「阿一」,經過幾年努力,終於入到宮,有名袋有豪宅揸手,但係咪真開心呢?

有闊太 friend就爆料話:「咁易咩?有次見到佢去 ball坐埋一邊,咪喺度流眼淚!」話說嗰次係大時大節舉行嘅 ball,咁「阿一」身邊唔止「金魚眼」一個㗎嘛!佢帶咗另一個「妃子」同班 friend開 party,想快啲融入闊太圈嘅「金魚眼」,就惟有局住單拖去 ball,應酬一下。唉,睇住場內個個一雙一對,個心唔酸就假啦。
咁結果點呢?「金魚眼」係「阿一」嘅女人喎,大家都估到乜事,亦唔敢問,咪當無事發生,繼續嘻嘻哈哈囉!喂喂,上流社會喎,係咁上下啦。有啲嘢,係「套餐」嚟嘅,要硬食㗎。 

    tvb4life 發表在 痞客邦 留言(0) 人氣()