來路貨

畢彼特 行黑

2012年11月02日 ~~ 第901期 忽然1周

唔經唔覺,畢彼特( Brad Pitt)都已經 4張 9,靠樣食糊都食咗差唔多廿幾年,開始踏入 5字頭,大叔味逐漸浮現,再唔可以靠 chok樣扮花,於是索性玩大佢,轉型走黑道。
喺新片《奪命無聲》( Killing Them Softly)入面,蠟起頭髮、鬍鬚簕特、 着到一身黑嘅畢彼特,以「地下判官」姿態出現,為重建黑道地下經濟秩序大開殺戒,連華仔都轉型唔再 chok唔再賣樣。
歲月催人,現實係咁殘酷㗎!

話時話,畢佬近年拍 嘅戲唔算多,就算拍,都唔係咩大製作,好似 2011年 嘅《魔球》( Moneyball),成本係 5,000萬美金,同年 嘅《永生樹》( The Tree of Life)成本亦只係 3,200萬美金,原來低處未算低,新片《奪命無聲》(香港 11月 29日上映),成本更只得 1,800萬美金,連俾畢佬 2,000萬美金片酬都唔夠。導演安德魯多明尼( Andrew Dominik)惟有博一鋪,估唔到只係用咗 45分鐘,畢佬竟然諗都唔諗就岌頭。




講真, Brad Pitt呢個「黑道判官」造型,比起佢喺 Chanel No.5香水廣告嘅造型,真係型、英、帥、靚、正得多啦。大家睇吓係咪?


我哋耍吓花槍啫!(設計對白)
早前有傳安祖蓮娜因為反對奧巴馬引起畢佬阿媽不滿,搞到兩個吵大鑊。

報恩接拍


因乜畢佬咁爽快?原來佢係有感恩之心。從影 25年 嘅畢佬,從未得過任何獎,就算分豬肉,豬毛都分唔到條,僅僅 喺 2008年憑《叛逆暗殺》( Assassination of Jesse James by the Coward Robert Ford)得過威尼斯影帝,而此片導演正正係 Andrew Dominik。


憑《盜亦有道》一奸成名嘅 Ray Liotta喺《奪》繼續賣奸,飾演黑吃黑賭場負責人。


一部低成本電影一樣大牌如雲,除畢佬外,竟然連澳洲影帝 Ben Mendelsohn都幫拖,仲要演一個道友賊仔。認真估佢唔到。


除咗一眾大牌卡士外,飾演戲中重要關鍵人物嘅,就係老牌影星 Richard Jenkins,佢同畢佬喺車廂密談一幕,足足拍咗一個星期,認真到呢。



殺人如麻


呢幕講飾演劫匪之一嘅 Scoot McNairy(後)載住畢佬去搵賭場劫案嘅主謀。原來喺試拍前, Scoot就俾劇組鬧車速太快,唔顧巨星畢佬條命喎。

好 嘞,言歸正傳。《奪命無聲》呢部「純陽」電影,係改編美國犯罪小說家佐治布金斯( George V. Higgins) 嘅《 Gogan's Trade》。故事講一個由黑幫控制 嘅地下賭場突然俾匪徒打劫,搞到幫會一邊停止賭場營運、一邊進行揪出幕後黑手行動。於是綽號「司機」(Richard Jenkins)嘅神秘人,就搵 咗職業殺手積奇( Brad Pitt)進行調查,要捉到幕後主使者,以及挖掘搶劫案背後內幕。 Brad Pitt一出,隨即展開大廝殺。
電影雖以低成本拍攝,但卡士都唔弱,除 咗畢佬及 Richard Jenkins外,仲有占士簡東費尼( James Gandolfini)、雷尼奧達( Ray Liotta)及澳洲影帝賓曼迪臣( Ben Mendelsohn)。
名副其實係成本細,巴鬼閉! 

撰文:姜培綺

    tvb4life 發表在 痞客邦 留言(0) 人氣()