呢個騷胸 look,加上身邊一袋「丸仔」,襯托出濃厚頹廢味。 Fans like,再一次印證男人不壞女人不愛。

亞熱帶

SHINee珉豪女人湯圓

2012年11月02日 ~~ 第901期 忽然1周

韓國人氣樂隊 SHINee上周殺到香港,繼 10年來港之後,再掀起追星熱。
其實, SHINee五子在韓國已經開始各自發展,當中最 sharp醒的,自然係最皮光肉滑兼大大隻的珉豪。無論戲內戲外,珉豪都係「女人湯圓」, 冧到一班女星神魂顛倒。而珉豪醒在堅稱自己廿歲人未拍過拖,無論你信唔信「靚仔無真愛」,至少已經令一班女 fans keep住幻想空間。

12月就 21歲的珉豪, 06年加入韓國「星工廠」 SM Entertainment接受訓練,經過兩年特訓,珉豪在 08年 5月以 SHINee組合成員身份出道。珉豪一身鋼條肌肉,但同時又有白滑皮膚,集合白面書生及大隻男的優點,全因豪媽的優良遺傳,而珉豪又熱愛運動,是足球及籃球好手。
被指身形好,珉豪表面謙虛:「隊友鐘鉉身材好過我啦!」不過在同一場合,他踢爆另一風頭躉鐘鉉原來是喊包;加上鐘鉉亦承認兩人曾經因為意見不合隻揪,似乎爭風呷醋,唔係女仔專利。


騷肌冧 fans
鐘鉉、珉豪、溫流、 Key及泰民上周六( 27日)首次在港舉行演唱會,為 fans勁歌熱舞獻唱〈 Lucifer〉、〈 Sherlock〉等名曲。珉豪例牌騷麒麟臂,加上他又肯趴在 fans送的滑板上滑行,輕易 冧死 fans。《蘋果日報》圖片




少女時代輪咀
拍韓劇《蠑螈道士和影子操作團》,珉豪飾演賊王,同「少女時代」 嘅太妍有擁抱及接吻場面。見到太妍個「入戲」樣,莫非假戲真做?




至於「少女時代」另一靚女俞利,同珉豪亦合演過舞台劇《油脂》,俞利仲忍唔住用手試下珉豪 啲胸肌。


10年,珉豪高中畢業,吸引大批傳媒追訪。現時珉豪讀緊建國大學 嘅電影學位課程,預計 2014年大學畢業。


BoA任摸
10年出騷,韓國舞后 BoA任珉豪上下其手,摟腰摸 pat,個樣仲 冧到爆。

吸金力驚人


一支竹仔易折彎,幾支竹仔斷折難。 SHINee五子近年開始分頭搵食,當中雖然以珉豪發展較好,不過近日由他擔正的韓劇《給美麗的你》仆直,收視徘徊單位數,令他的獨立發展路蒙上陰影。其實《給美麗的你》改編自日劇《花樣少男少女》,照計夠晒娛樂性,弊就弊在近年《花》先至改編過做韓劇同台劇,觀眾睇到膩,加上《給美麗的你》被彈橋段太誇,連 fans都嫌太低能。
珉豪更要公開道歉:「係我做得唔夠好,辜負大家對我的期望,我一定會繼續努力!」機會當然繼續來,因為 SHINee吸金力仍然驚人。早前在台灣為化妝品牌舉行簽名會, SHINee成功吸引 2,500 fans消費換票入場,一小時內帶挈品牌吸金 130萬港元。我係品牌老細都撐 SHINee同珉豪啦!


原本諗住今年熱播 嘅《給美麗的你》,雖然有不少 Sulli同珉豪 嘅甜蜜場面,不過收視一直唔過 10%,算是慘淡。


後生仔鍾意玩,屬同一公司 嘅「 Super Junior」東海(左),就同珉豪(中)趁「 Super Junior」另一隊員銀赫 瞓着時,整蠱佢兼搶鏡。

    tvb4life 發表在 痞客邦 留言(0) 人氣()