句句金

句句金

2012年11月02日 ~~ 第901期 忽然1周

草蜢加軟硬開騷,陳奕迅同赤裸上身嘅五子合照,笑騎騎話:
嘩!俾我有咁嘅身形就正。不過你哋好似 5個救生員,戴番泳帽啦,阻水呀!
人哋明抄 A&F男模,你就話似救生員,似乎有啲唔抵得噃。你都減吓啦! Eason。




黃淑儀公開話無綫唔尊重資深藝人,黎耀祥有咁嘅見解:
新老闆上場好好多嘞,有月餅又有風褸,之後仲有台慶飯。
民建聯都有蛇齋餅 糉㗎。但有幾好?大家有目共睹嘅! 




查小欣嘅《爆足一周》被腰斬,近日狂插這節目嘅梁思浩話:
我諗係搵咗唔係好適合做電視嘅人做電視。 TVB如果係聽取觀眾意見
而去斬,係值得俾掌聲 TVB!
呢個節目唔掂,大家都知咗好耐。但講到俾掌聲呢,查實你點都拍爛手掌㗎啦! 




對於前女友苟芸慧日前表示要封胸,羅天宇回應話:
我贊成,希望大家可以欣賞佢嘅內在美。
嗱嗱嗱,騷胸都唔代表無內涵,媽咪姐絕對懷疑睇過晒好嘢嘅你,有私心呀吓! 




移民加國的鄭敬基,講到早前邀請分手多年嘅鄧萃雯上電台做嘉賓:
知佢嚟就搵佢做訪問,通常都得嘅,因為冇乜唔好嘢做過嘛,哈哈!
啱嘅,女人一向愛恨分明!最緊要你唔係姓江名華啫。 

    tvb4life 發表在 痞客邦 留言(0) 人氣()