博出位

哈佬喂,去邊威?

2012年11月02日 ~~ 第901期 忽然1周

又係一年一度哈佬喂 Halloween,大家去咗嚇隔籬屋個細路未呀?一班藝人朋友個個都好認真扮鬼扮馬歡度呢個佳節,真係開心死呀!喂,可唔可以帶埋貪玩嘅媽咪姐呀!

梁詠琪
闔家吸血


GiGi梁詠琪最鍾意熱鬧家庭樂,今年有埋西班牙籍老公 Sergio陪佢癲,一齊扮吸血殭屍夫婦,仲同成班屋企人嘻嘻哈哈玩一晚,夠晒 warm呀!




視助手阿詩如親人嘅 GiGi,年年哈佬喂都預埋助手同其寶貝仔,今年 GiGi仲攞人哋 07年同今年比較㖭! GiGi咁鍾意小朋友,盡快生番個啦! 

鄧麗欣
蘭桂坊三姊妹




夜蒲三姊妹(左起) Angela區文詩、鄧麗欣 Stephy同 Kary吳雨霏又結伴出蘭桂坊蒲,三位女子都扮相認真,媽咪姐嚴選最出色係 Stephy嘅「彩髮熊貓眼造型」,完全唔認得,驟眼睇仲有啲似王菲㖭! 

薛凱琪
甜美太空人




貪靚係女仔專利,睇吓薛凱琪難得出去慶祝萬聖節,都要保持一張整潔靚爆面孔就知啦!雖然求其咗啲,不過勝在笑容夠甜美。 

楊秀惠
單眼蜘蛛女




近期變番單身嘅楊秀惠,要識新朋友,就梗要出去蒲。趁住哈佬喂,佢化身冶艷蜘蛛女,不過畫到隻眼咁黑,啲男仔認唔認得你㗎!。 

愛•回家
今天不回家




《愛•回家》一班演員發揮團結精神賀哈佬喂,邊個扮相最得?你哋又認得幾多個?個人較欣賞扮蝙蝠俠小丑嘅趙永洪,俾個 Like佢! 

    tvb4life 發表在 痞客邦 留言(0) 人氣()