我 sexy得!養狗仲得呀!(設計對白)

忽然去片

三太太愛狗有辦法

2012年11月02日 ~~ 第901期 忽然1周

狗仔咁得意,媽咪姐不嬲都勁鍾意!而且望吓隻狗仔,基本上就可以知道埋個主人嘅性格同喜好,係另類讀心術。今期睇片,見《名媛望族》三太太江美儀帶住迷你貴婦狗 Teddy跑步,雖然狗仔中途 U turn好爆笑,但只要主人叫一叫,都即刻迷途知返,勁抵錫!你話可能江美儀夠惡,狗仔先咁乖?錯嘞錯嘞,你留意吓, Teddy無時無刻都鍾意黐住三太太,甚至上埋書枱扮公仔,郁都唔郁!好明顯,江美儀用嘅係愛的教育,賞罰分明,睇見佢「兩母子」就真係 sweet。

《忽周》睇真啲正片唔好 miss!




跑步走狗




狗扮公仔

梁繼璋 仔女十個趣!


睇貓狗都可以知主人,何況係識行識講嘅小朋友呢?好似今期「星悅居」去咗採訪資深 DJ梁繼璋一家。老實講,間屋一定唔係豪門大宅,但佢兩個仔女活潑可愛,又唔怕「生暴」!細女 Cindy仲即場示範壁虎功,玩半天吊;大哥 John就自創手動呼拉圈玩法。咁多 fun,話梁繼璋唔係個好爹哋都無人信啦!





趙世曾 麻煩與麻甩之間


早前趙式芝喺法國舉行同性婚禮,激到阿爸趙世曾紮紮跳。唔少名人公開話佢迂腐又麻煩,但媽咪姐睇完前面 P.20嘅趙生訪問,再睇埋段片,覺得佢係麻甩多啲囉。見佢同新女伴食完飯,咬住支牙籤去演藝睇 show。接受訪問時,就變番斯文淡定,仲有啲無奈㖭!女大女世界,睇開啲啦。





    tvb4life 發表在 痞客邦 留言(0) 人氣()