無綫藝人鍾嘉欣及陳展鵬日前在佐敦為新劇《巨輪》拍攝節目巡禮片段,劇情講述飾演警察的展鵬英雄救美,在悍匪手中救回嘉欣,二人因此互生情愫。

造型回到八十年代的嘉欣說:「劇入面我由二十幾歲演到四十幾歲,依家呢個look係八十年代,劇入面我演富家女,唔理家庭壓力都要同展鵬拍拖,有好多浪漫拍拖戲。後來做咗成功女性,更會以短髮示人,到時會用假髮演出。」

展鵬則對新劇甚有寄望,他說:「我好鍾意個劇本,好有感覺,因為有好多香港大事貫穿,會有以前睇《大時代》、《大亨》嘅感覺,我由後生演到老,我對呢個劇都好有期望,希望可以成為一部令觀眾有共鳴、有回憶嘅劇。」

鍾嘉欣及陳展鵬日前在佐敦為新劇《巨輪》拍攝節目巡禮片段
一身八十年代造型的鍾嘉欣及陳展鵬,於新劇飾演情侶。

鍾嘉欣及陳展鵬日前在佐敦為新劇《巨輪》拍攝節目巡禮片段
嘉欣為配合角色,以80年代衣着拍攝。

鍾嘉欣及陳展鵬日前在佐敦為新劇《巨輪》拍攝節目巡禮片段
展鵬揸槍,有型有款,冧死女粉絲!

tvb4life 發表在 痞客邦 留言(0) 人氣()