鳥叔依家紅爆全球,不過佢自嘲話如果移植埋張東健個樣,估計會紅到上月球。鳥叔,做人唔能夠咁貪心㗎!

亞熱帶

鳥叔馬上瘋

2012年10月26日 ~~ 第900期 忽然1周

出道 12年、已經 35歲 嘅韓國阿叔歌手 PSY(樸戴相),憑一首怪伽歌〈江南 Style〉加騎呢馬舞,竟然令全球瘋晒,連香港導演錢國偉「山寨 PSY」都 hit爆,不過始終都係想見到大叔真身嘛。
有機會 嘞!韓國國際性 嘅「 MAMA音樂頒獎禮」,今屆就 喺香港搞, 11月 30日於會展舉行,除亞洲各地歌手雲集外,鳥叔及 Superjunior亦會出席。
據知香港各大商場同製作單位亦打緊鳥叔主意,想搵佢出席下月中開始 嘅聖誕亮燈儀式,廣告費高達百萬,媲美巨星。鳥叔真係巴閉!

如果話鳥叔係 2012年全球最紅藝人,相信冇乜人反對,佢一出現, Justin Bieber、 Lady Gaga都要企埋一邊。行運行到落腳趾尾 嘅鳥叔,都估唔到自己會有今日。


早前鳥叔喺韓國首爾廣場開〈江南 Style〉免費演唱會,吸引成 10萬觀眾,鳥叔跳到興起,晒腩肉不特止,連褲都剝埋,搞到幾乎走光㖭。


上星期鳥叔喺澳洲雪梨出席清晨節目《 Sunrise》,天未光已經塞爆成個廣場。鳥叔魔力真係沒法擋。


香港導演錢國偉呢個「山寨 PSY」,大家話似冇?


鳥叔 06年同大提琴家劉惠妍結婚, 07年生咗對孖女,今年已經 6歲啦。鳥叔真係幸福男人樣辦。

做過「毒」友


自古成功非僥幸,鳥叔雖然生於富有之家,老竇樸元浩係韓國上市公司 CEO,但佢一樣經歷過事業 嘅起伏。 喺美國讀書時,試過將自作自唱 嘅歌放上網,得到當地音樂公司約見後,竟然被嫌棄「樣衰」。
估唔到返到韓國一樣咁坎坷! 00年出道,出道歌曲〈鳥〉反應好好,「鳥叔」之名亦由此而來。可惜 01年因吸食大麻被捕,判罰款事小,形象跌 watt事大。 03年入伍,佢又因服兵役期間違規開騷,遭當局革走,被安排 07年重新入伍兩年。兵役後,鳥叔捲土重來, 10年同現屬公司 YG簽約,跟 Big Bang、 2NE1為同門。經過努力,第 6張專輯《 PSY6甲》出現神曲〈江南 Style〉。依家咪威晒囉!

人人都 like


鳥叔隻馬舞受歡迎原因,勝在騎呢得嚟又好玩,於是藝人學、名人學,連體壇明星都要跳一番。


球手自跳
2012賽季美國網球男單冠軍德科維奇奪冠後,大跳〈 Style〉自娛。


名人都學
平時道貌岸然嘅 Google總裁之一, Eric Schmidt都要放下身段學騎馬舞。


馬狼共舞
鳥叔喺澳洲電視台錄影節目時,「狼人」曉治積曼特走去探班,兩人仲戴上狼爪大跳〈 Style〉。


車手齊跳
上星期日( 14日),鳥叔做一級方程式南韓站嘉賓,教法拉利車隊冠軍韋伯(左)及亞軍韋度(右)跳馬舞。

唱贏靚仔


鳥叔雖然冇 Superjunior、東方神起、甚至同門 Big Bang等靚仔組合嘅樣貌同身材,但因為佢嘅歌一向走幽默同親切路線,所以肥肉橫生 嘅佢一樣人氣高企。曾經有次佢同安七炫同一日 喺釜山開騷,鳥叔 嘅場就逼到針都插唔入,搞到安七炫要臨時拉 啲學生來撐場,認真瘀爆。


鳥叔喺澳洲機場俾記者圍住,熱到胳肋底出晒汗。真係辛苦晒。


咪睇鳥叔成日笑騎騎,做起嘢嚟,個樣惡過梁振英㗎。

唱英文歌


〈江南 Style〉除 咗為鳥叔帶 嚟過千萬收益外,佢打鐵趁熱,出英文歌強攻外國市場,因為冇時間,惟有出蠱惑,以舊歌新詞頂檔。何以鳥叔咁積極?原來有人提過以佢現時 嘅戰績,絕對有資格入圍 13年 嘅格林美音樂獎「最佳新人獎」喎。難怪佢心雄 嘅。 

撰文:姜培綺

tvb4life 發表在 痞客邦 留言(0) 人氣()