上流滙

騷肩

2012年10月26日 ~~ 第900期 忽然1周

踏入秋冬,女士們收起低胸、短打,統統轉裝出動。近期大受追捧的斜膊潮,突顯肩膊美態,不少名人、女星獨臂撐起,齊齊變身希臘女神。星級形象指導 Ricky(郭慶彬)話齋,性感唔一定要打開心口露胸,簡單一條斜膊裙,突出鎖骨、香肩線條,暗地裏展露性感而不失貴氣,果然堅。

Good 熊黛林 盡顯線條
Karen Millen


Ricky評:「 Lynn咁高咁瘦,呢條裙將線條騷出 嚟,對佢完全冇難度。鎖骨同肩膊有美感,展露單肩吸引力。如果想再 sharp啲,配對棗紅色鞋會更 prefect。」

Good 李嘉欣 高貴誘人
Escada




Ricky評:「條裙 cutting見到鎖骨位,展現佢骨肉勻稱優點,開衩款若隱若現騷長腿,將高䠷身形表露無遺。加上簡潔髮型,五官更見突出,演繹得無懈可擊。」 

Bad  Jessica C. 過分性感
Bea




Ricky評:「 Jessica件白色裙同佢 嘅 honey skin tone,撞得幾 sharp醒,襯個自然直髮,效果尚算 ok。不過呢個斜 cut吊帶款,有 啲刻意 sell性感,唔得體。」 

Good 李嘉慧 青春順眼
BCBG




Ricky評:「露肩款短裙,騷到佢依然 fit嘅身材, ruffles裙身夠 young,裙同鞋 嘅 tone on tone襯法好順眼。如果將頭髮束起,會更清新好睇。」 

Good 劉嘉玲 迷人美態
FAUSTO PUGLISI




Ricky評:「嘉玲條 one-piece好 sharp,露肩騷美腿,性感迷人,而束腰設計盡顯線條。顏色前衞搶眼,大膽咁撞對紅色 high heels,整體好突出。」 

Bad  Ana R. 圓潤老氣
S.Nine




Ricky評:「 Ana件晚裝襯大圈耳環非常老氣,白色貼身手袖同裙身,視覺上好肥,就算腳踏 4吋 high heels,都無辦法將身形拉長。」 

Bad 全智賢 失手示範




Ricky評:「鬆散曲髮遮住肩膊,騷唔到件 jumpsuit嘅設計。下身褲管太闊,就算有高䠷身材都撐唔住。加上雙目無神 嘅妝容,完全跌晒 watt。」 

Good 李桂蘭 貴氣型格
Esteban Cortazar




Ricky評:「黑裙款式簡潔討好,皮革質地顯得型格十足,反領 嘅 single sleeve設計好 fashion。而黑金高 踭鞋同金色大 clutch bag,亦撞得恰到好處。」 

肩闊勿試


單膊款式感覺女性化,簡單配襯已經好性感,不過首要條件是靚鎖骨兼無麒麟臂。 Ricky指:「今季唔少牌子都有 Asymmetric shoulder(不規則肩膊)款式,剪裁可以突出鎖骨同肩膊位,配襯簡單髮型,感覺高貴性感。不過並非人人駕馭得來,身形較橫女士絕對唔適合,會將膊頭顯得更闊,變到好大隻。而手臂粗就千祈唔好試,只會自暴其短。」

單肩斜膊熱潮,由今年秋冬延續到 13年春夏,不少大牌注入單膊元素,玩到出神入化。


Versace


Raf Simmons for Dior
《蘋果日報》圖片

星級形象指導郭慶彬( Ricky Kwok)




曾與樂基兒、熊黛林、 Twins等藝人合作。
被邀到巴黎時裝周欣賞 Read-to-Wear與高級訂製服,品牌包括 Chanel、 Valentino等。
近年由形象指導變身為潮店老闆,曾於銅鑼灣開設時裝店 LAYETTE,專售英國及日本潮牌。 

撰文:蔡靜雯
攝影:陳志輝、高嘉穎

tvb4life 發表在 痞客邦 留言(0) 人氣()