《蘋果日報》圖片

句句金

句句金

2012年10月26日 ~~ 第900期 忽然1周

陳玉蓮為新劇《名媛望族》做訪問宣傳時話:
冇人知道第日發生乜事,講嘢唔好咁肯定,所以我唔會話退休。
呢啲咪係傳聞中過六合彩頭獎嘅小龍女式智慧囉。
肉身出塵,思想入世!




楊千嬅產後復工,接受電台訪問時話:
生完個仔,我已經開始諗,將來佢娶個乜嘢老婆?婆媳都唔知點算。
嘩,囝囝 Torres先 4個幾月大咋,千嬅你會唔會諗多咗呀?小心太緊張會變「怪獸媽咪」喎。 




盧海鵬被問到會唔會重返無綫拍劇,佢勞氣炮轟舊東家:
成日等咪最衰囉!有時等到尾都係摸和(冇工開),啲細胞日日死啲,咁就死㗎喇。我唔會等㗎!
老人家確係唔捱得!好彩鵬哥你多路數,有得揀啫。 




記者問楊紫瓊左手戴婚戒,係咪好事近?佢笑住話:
未結婚!我好 enjoy佢成日求婚,一個禮拜有一日會做呢樣嘢。
咁又係呀!嫁咗之後,男人對你就係第二個樣。各位「被困」嘅姊妹,你哋都明㗎啦! 




馬德鐘個仔已經 14歲,被問到阿仔有無追求者,馬神就咁答:
我有打聽吓,佢話未有女友,呢方面都係我負責多啲,大家都係男仔。
你負責?嗯,只要唔係教佢花心逢女攬累老婆要出嚟死撐,咁都 OK嘅! 

    tvb4life 發表在 痞客邦 留言(0) 人氣()