面燶燶
見到有人,松 嶋就用手遮面,反町呢?塊面黑過鑊撈。

出外埠

反町夫婦貌合神離

2012年10月26日 ~~ 第900期 忽然1周

呢排藝人婚變消息不絕於耳,連日本藝能界都一樣。就講憑《家政婦三田》華麗復出 嘅松 嶋菜菜子,老公反町近年愈撈愈霉,反之松 嶋事業又再登上高峰,拍劇、廣告瓣瓣掂。本來應該好高興先係,慘在老公反町竟然傳出翻撻 15年前 嘅舊愛、今年 40歲 嘅女星稻森泉,成個日本藝能界都喺度講緊!

嗱,係唔係去到咁僵就唔清楚,不過佢 哋貌合神離就珍珠都冇咁真。上星期六晚,大約 9點零鐘,有人見到佢 哋 喺住宅附近出現,不過兩公婆行到一 啲交流都冇,話晒係夫妻喎,表現卻似路人甲、乙。唔通真係此地無銀三百両?


氣沖沖
之後反町更搶先衝上前面,完全冇理過松 嶋。話佢哋冇嘢?鬼信。


稻森泉同反町 15年前拍《 Beach Boys》時撻着,後因松 嶋介入而分手。估唔到最近又傳同反町翻撻,三角關係重新膠着。

tvb4life 發表在 痞客邦 留言(0) 人氣()