關仁隱事:「牛油」傷腳一肚氣


好多大公司都講制度冇乜人情味,三色台都唔例外,好多嘢都揸正嚟做,最緊要跟足程序做嘢。話說藝員「牛油」有日喺公司範圍拍完外景,坐服裝車返化妝間,點知落車時唔小心拗柴受傷,成隻腳腫晒,工作人員幫佢call保安,點知保安嚟到冇問傷勢,首先問佢職員證冧把,先至問佢傷成點,牛油心諗我隻腳痛到死,你唔係問吓隻腳竟然問證件冧把?都未算呀,之後保安仲要求佢案件重演一次,等佢影低事發經過有得報告交差,激到牛油紮紮跳。關仁想問,如果牛油係穿頭流血,保安要做晒呢啲程序先,牛油咪會失血過多而死?
撰文:關仁

    tvb4life 發表在 痞客邦 留言(0) 人氣()