關仁隱事:「冇雙」改造失敗 


內地女星「冇雙」出道嘅時候一直都唔係賣樣,靠嘅係身材加上唔鹹唔淡嘅廣東話,經常成為笑柄都畀佢殺出一條血路。事實佢唔係靚,亦都唔算醜,睇慣都OK,呢幾年唔知係咪受大氣候影響,見人人都走去改造,佢又改埋一份,開頭都係改少少,點知越改越多,到最後簡直變成另一個人。
不過內地二五話冇雙其實係有苦衷,話說開頭佢貪得意整少少,點知手術唔係好掂搞到五官走位,冇辦法之下惟有再整去補救,變成用一個錯去救另一個錯,前前後後補咗幾次鑊咪搞成咁囉,真係有苦自己知。
撰文:關仁

    tvb4life 發表在 痞客邦 留言(0) 人氣()