「婚要結一次,但未諗幾時」超雲自爆賭王催嫁 



笑容不多的超雲昨晚被半百記者包圍追問婚事。

何超雲與陳山聰打得火熱,昨日有指山聰在歐遊時向超雲求婚成功,更指超雲已秘密影婚紗照。愛與男友糖黐豆出席公開場合晒恩愛的超雲昨晚單拖出席活動時否認結婚,但直言會回家好好想想,並自爆賭王催婚。

現年23歲的何超雲與36歲的陳山聰拍拖以來一直不被看好,不過兩人懶理外界目光,經常高調晒恩愛,肉麻當食生菜,山聰現時全面停工專注陪超雲,兩人不時周遊列國,好不梳乎。昨日有指兩人早前孖咇到歐洲旅行,據知決心做賭王女婿的山聰在葡萄牙向女友求婚成功,之後兩人更在巴黎影婚紗照,但由於三太陳婉珍阻攔,原本超雲欲先斬後奏與男友現身查小欣的《爆足一周》宣佈結婚,但最後因三太出手而作罷。



超雲昨晚出席時裝活動,直言回家會細想結婚一事。 

有傳超雲和山聰密謀結婚被三太阻攔,但超雲昨晚自爆賭王向她催婚。資料圖片 「媽咪畀好大空間」

昨晚超雲單拖到尖沙嘴出席時裝品牌Balmain活動,笑容不多的她一次過接受半百記者訪問,當有記者恭喜她時,她反問恭喜她甚麼,並說:「婚要結一次,但未諗幾時。」有指她已拍結婚照,她重申說:「真係未諗,一路以來都係你哋話結婚,從來冇諗住結,大家傳得咁勁,今晚返去諗。」山聰是否已向她求婚時,她猶疑片刻才搖頭。
同時超雲也為母親澄清,強調與母親關係要好,超雲說:「唔想呢件事抹黑媽媽嘅形象,令佢名譽受損,媽咪知我哋大個,畀好大空間,絕對冇雜誌情況出現。」不過她自爆反而賭王父親何鴻燊有催婚,又自言不是藝人,所以不會上電視節目宣傳自己,更坦言傳聞這麼厲害,她回家會好好想一下。
早前超雲寫blog表示藝人與名人的戀情得不到大家祝福,她說:「係呢啲配對上,大家都好有興趣談論。」問其男友會否不開心?超雲就叫記者問山聰。對於愛女再傳結婚,三太透過助手說:「唔係雜誌所講嘅,何太都已經答咗好多次,仔女有佢哋嘅自由,佢唔會干涉,但話結婚,真係未收到消息喎。」
採訪:馬建華 攝影:黃文偉

何超雲轉口風計劃婚事

賭王何鴻燊三房長女何超雲與男友陳山聰近年屢傳婚訊,昨日又傳出兩人有意接受無綫電視訪問正式宣布婚訊,但傳遭到三太陳婉珍阻撓致令訪問告吹。一直否認結婚的超雲,昨日卻突然轉口風,說會開始為自己計劃婚事,但澄清男友未求婚。



超雲昨單拖出席活動,笑言要開始諗吓結婚計劃。

昨日再傳婚訊的超雲,昨午接受本報訪問提到是否真的結婚時,她說:「婚就會結,係人生階段,本來我係冇呢個計劃,但係傳媒一直咁問,我會開始計劃。(同陳山聰一齊計劃?)世事無常,冇得講同邊個,或者佢冇呢個打算。」是否有所暗示?她笑說:「冇,呢個係事實,唔到發生嗰刻都唔知。」

與媽咪關係好好

其後晚上超雲出席時裝活動,同場還有名模琦琦、名媛翁嘉穗、汪詩詩等,超雲聞記者恭喜她將結婚一事,繼續表示原本未有想過幾時結婚,對傳出經已拍攝婚紗照時,她續說:「傳得咁勁,今晚開始諗吓。」對於被指遭三太反對在節目宣婚一事,她代母作出澄清,說:「由細到大,媽咪同我哋關係好好,畀好大自由度我哋,所以唔想抹黑佢,令佢聲譽受損。我媽同我哋三姊弟感情好好,好融洽,從來唔會鬧我哋,唔會吵大鑊,佢只會教導,循循善誘,傳聞咁講對我媽咪有影響,必須要澄清,媽咪知我哋大個,會畀好多空間我哋,所以冇發生雜誌所講情況。(如果即時結婚父母會點?)未諗,不過爹哋都催嘅。(你哋自把自為宣婚?)大家識我咩人,都知我唔會咁做,唔係藝人,唔使宣傳。(你覺得結婚係咪兩個人嘅事?)係咪兩個人事?結婚係你哋寫,我今晚返去諗吓。(你有冇同番陳山聰講過?)不實報道唔會談論,(陳山聰係咪喺葡萄牙向你求婚?)冇求婚。」


超雲與山聰屢傳婚訊,更有指遭三太阻撓。(資料圖片)

琦琦(圖)與汪詩詩亮相開幕活動。

汪詩詩

襯唔襯問番山聰

對經常被指和男友並非門當戶對,山聰有否不開心時,她說:「你哋問番佢,冇談論,淨係講係嘅嘢。」早前山聰生日,超雲跟他食飯慶祝,亦有約同三太一齊飲茶,至於送甚麼禮物,她只說是普通一份禮物。超雲出席完活動後,活動的公關在微博留言:「今晚很開心見番你,係唔係陳太唔重要了。」超雲在微博回覆對方說:「我係何小姐,哈哈。」

昨日傳出何超雲擁有5億身家準備嫁男友,指陳山聰早在葡萄牙已求婚成功,準備在查小欣的電視節目中爆婚訊令三太就範批准兩人結婚,但傳遭三太阻撓而告吹。

文:名人組

超雲開始諗結婚

賭王千金何超雲與陳山聰的婚訊傳得鬧哄哄,一直三緘其口的超雲突然一反常態,公開澄清山聰並未求婚,但坦言開始思考婚姻問題。

賭王何鴻燊的三房千金何超雲,盛傳於明年初與男友陳山聰拉埋天窗,昨日她接受本報電話訪問時笑說:「婚就會結,係人生階段!(同山聰結?)世事無常,冇得講定同邊一個,或者佢冇咁嘅打算呢!(你有其他暗示?)冇,呢個係事實吖嘛!唔到發生大家都唔知!」

否認母親反對

而她昨晚出席公開活動時,記者上前恭喜她,她即反問:「乜嘢呀?(你結婚囉!)婚總係要結嘅,但我未諗幾時囉!(你哋影咗結婚相?)其實喺你哋傳之前,我從未諗過要結婚,你哋依家傳得咁勁,我今晚開始諗吓!」問到山聰是否已於葡萄牙求婚,她停了一秒後擰頭說:「冇求婚!」

有指超雲本打算在電視節目公開婚訊,但因母親陳婉珍阻撓而擱置,對此她嚴正聲明:「媽咪同我哋三姊弟一向感情好好,畀好大自由度我哋,我唔想抹黑佢,會影響佢聲譽。」問到假如二人結婚,父母會有何反應,她說:「未諗喎!不過爸爸都有催嘅。(覺得結婚係兩個人嘅事?)其實結婚都係你哋寫。(媽咪有冇講咩?)失實嘅報道,冇興趣談論。」她曾在instagram中表示「大家只會祝福明星x圈外人……怒罵那些名人x明星……其實大家真的忽略了愛的意義」,問到是否有感而發,她說:「其實係睇八卦雜誌,對配對啲睇法啫!」她還透露日前已跟山聰食飯慶祝生日,並送上一份普通禮物。

事後,活動公關在微博上幽默地對超雲說:「係唔係陳太都唔重要了!」超雲即回應:「我係何小姐!」而同場還有甄子丹太太汪詩詩、名模琦琦及歌手蘇永康等。

名人組

超雲坦言開始思考婚姻問題,但稱山聰還未求婚。

超雲與山聰如膠似漆,父親賭王亦有催婚。(資料圖片)

汪詩詩與琦琦盛裝出席活動。

琦琦

打扮型仔的蘇永康,笑容自信爆棚。

    tvb4life 發表在 痞客邦 留言(0) 人氣()