朱晨麗執二攤演出《名媛望族》,無綫更特意將其戲份加重,劇中朱與馬國明、吳卓羲嘅三角關係,亦係豪門分裂主因之一。

有劇追

執陳法拉二攤 朱晨麗 一劇上位

2012年10月19日 ~~ 第899期 忽然1周

舊年電視界出現挖角潮,搞到無 綫雞毛鴨血,急急發掘新一批小生花旦接班,造就唔少港姐同華姐上位。好似 2010年華姐冠軍岑麗香,一套《巴不得媽媽》,即成為新一代女神,人氣高企。
不過要數最夠 luck嘅,非上屆港姐冠軍朱晨麗莫屬。
參選唔夠半年 嘅朱晨麗因貌似陳法拉,未卸任即被安排接辭演嘅陳法拉棒,演出重頭劇《名媛望族》,同劉松仁、陳玉蓮、馬國明等好戲之人合作,升呢做無 綫花旦,指日可待矣﹗

陳法拉辭演《名媛望族》,有傳係唔甘心做楊怡 嘅陪襯。姑勿論原因係乜,被派「上陣」嘅朱晨麗,明顯執支好籌啦,不但有幸演出台慶劇,角色仲要周旋 喺兩大小生吳卓羲同馬國明之間,間接掀起一段豪門恩怨,分量都好重 㗎。
有傳話《名》嘅時代背景、人物同橋段設計上,同大陸劇《笑紅顏》相似(《笑》劇男主角都係劉松仁),所以質疑《名》係抄《笑》嘅橋。劉松仁就解釋話兩部劇除 咗角色同年代脗合外,故事架構同風格完全唔同。


左起:江美儀,楊怡,劉松仁,陳玉蓮,韓馬利
鍾卓萬(劉松仁)言行舉止雖然西化,實則頭腦迂腐到痹,一眾老婆在其眼中只係附屬品,半點地位都冇。


劉松仁以商界後起之秀,為挑戰一眾商場大鱷,行事作風心狠手辣,因而成眾矢之的。


二太爾嫣(陳玉蓮)雖因意外導致不育,但因性格溫婉,故仍得鍾卓萬寵愛。


銀行家獨生女易懿芳(江美儀,中),對元配顧心蘭(韓馬利,右)尊重有加,唯獨對戲子出身嘅康子君(楊怡)心存偏見。

《名媛望族》嘅賣點係:卡士強勁、服裝華麗。故事發生 喺三十年代 嘅香港。劉松仁 喺《名》入面飾演留學英國 嘅大律師鍾卓萬,擁有元配顧心蘭(韓馬利)係大家閨秀、二太愛新覺羅·爾嫣(陳玉蓮)不問家事、三太易懿芳(江美儀)風騷冶艷、四太康子君(楊怡)性格剛烈,至於五太趙丹丹(賈曉晨)則貪慕虛榮。劉松仁雖然生活洋化,事實骨子裏依然係傳統中國大男人, 5個老婆只係用 嚟彰顯佢 嘅權力同身份地位。
大仔鍾啟燊(馬國明)同二仔鍾啟燁(王浩信)看不慣劉之專橫,先後同劉反目。朱晨麗飾演嘅季小由,由鄉下到香港打工,受黑道分子金木水(吳卓羲)照顧,而成為戀人,後卻跟馬國明結婚,令吳氣憤,遂混入鍾家展開復仇大計,令鍾家步向四分五裂。


吳卓羲因為出身低下階層而形成仇富心理。故決心要喺馬國明手中搶番朱晨麗,誓將豪門反轉。


性格剛烈、追求女權嘅康子君(楊怡)聲言要成為鍾卓萬「最後一個女人」,可惜因「反虐婢」、「男尊女卑」、「一夫一妻」等問題跟劉鬧不和。


售貨員趙丹丹(賈曉晨)跟劉松仁不尋常關係,導致楊怡跟劉關係破裂。

播映日期: 10月 22日起周一至周五晚 8:30pm翡翠及高清翡翠台

人物關係




《名》 嘅卡士真係唔弱,角色分配亦分明﹕ 

撰文:姜培綺

    tvb4life 發表在 痞客邦 留言(0) 人氣()