黃宗澤(Bosco)自從被胡杏兒狠撇後,成日都無厘神氣兼忽然消瘦,佢雖然死撐係健身減肥,仲話近來都食得清淡。始終失戀最好係寄情工作,近排佢開工拍新劇《好心作怪》,不過日前東姑探班,見佢心情都係大起大落,似乎仲未走出失戀嘅陰霾!

日前佢同王浩信、黃智雯去荃灣拍外景,佢全日都黑面神上身,導演一話cut,佢即刻坐埋一邊苦口苦臉,極之憂鬱。全日木口木面嘅佢,唯獨見到黃智雯補妝就勁笑,認真騎呢。原來男人遭受情傷,同樣好難治癒。

大熱天時開工,佢郁兩郁都滿頭大汗。

見黃智雯補妝,佢突然狂笑,王浩信(左一)都被佢舉動嚇一跳。

Bosco與黃智雯行埋位時,佢竟然突然藐嘴藐舌。

    tvb4life 發表在 痞客邦 留言(0) 人氣()