難得撇甩黎明,單拖去峇里玩, Gaile亦大解放,着住 deep V一件頭泳衣透透哋騷身材。

真面目

女生外向 豪放姊妹介紹 樂基兒峇里湊鬼

2012年10月03日 ~~ 第280期 Face

黎明同樂基兒,最近傳出 4年婚姻亮紅燈後, Gaile上週承認拍住曾訂過婚嘅舊愛吳繩芬( Ray)合夥搞餐廳,轉過頭又被影到飛去印尼峇里,密會新西蘭籍老外 Cuz,二人同坐電單車斷正。
棄天王黐老外, 9月 Gaile兩次到峇里秘玩,多得 Gaile多年前已嫁去峇里嘅印尼籍模界好姊妹 Fahraani(阿 Fa)穿針引線,由愛蒲紋身女阿 Fa撮合二人逍遙遊,黎明真係多得佢唔少。

45歲黎明同細 14年的樂基兒,由上年 9月開始傳婚變,其間 2人雖盡力磨合,更有傳導火線係年初 Gaile愛蒲爛玩,搞到小產,兩公婆無奈鬧離婚。上週便被影到黎明嫂 Gaile專程飛去曾同黎明 2人世界的印尼峇里,但今次係單拖密會年約 35歲的新西蘭籍滑浪高手 Cuz。從 Cuz及其友人 Instagram中發現, Gaile幾乎成個 9月都置身峇里,其中上月 27日在港現身後隨即再飛峇里。


秘玩 3週
9月初已在峇里嘅 Gaile, 9月尾再度折返,保守估計在當地已秘玩三星期。網上圖片


10/9Tube top趷籮
Gaile好姊妹 Fa(左),同 Gaile(右)識咗起碼 9年, Fa唔只形象前衞,而且玩得蒲得,同 Gaile好夾。網上圖片

密密送


據知今次介紹 Gaile同 Cuz嘅人,原來係 9年前曾同 Gaile一齊於香港做模特兒的好姊妹 Fa,印尼妹 Fa早於 7年前已嫁去峇里定居,而 Gaile閒時亦會飛去峇里探好姊妹。本刊 06年亦曾獨家報道, Gaile孖黎明峇里連體預支蜜月,亦係由 Fa接送做導遊。
據知情人士透露:「 Fa知道 Gaile最近唔係好開心,咪介紹咗同樣住咗喺峇里半年嘅 Cuz畀佢認識,由於大家都鍾意蒲、又鍾意水上活動,所以好啱 key。」而 Fa的 Instagram內先後多次放上好姊妹 Gaile照片,其中 9月初曾上載幾張 Gaile deep V泳衣、 tube top趷籮及屋內飲酒派對相,生活相當悠閒寫意。可惜 Gaile早已接下上月 27日,在港出席 Juicy Couture活動,無奈急急飛返香港,翌日再匆匆飛回峇里,為上週四( 9月 27日) Fa嘅 28歲生日慶祝,同時與 Cuz密會。


27/9閃返港
喺峇里逗留起碼半個月嘅 Gaile,無奈要返港出席活動,當日更坦言話啱啱喺外地返港,心情靚爆。


24/9飲酒派對
9月初已在峇里享受人生嘅 Gaile,成日同好友開 P飲酒,將婚變之說拋諸腦後。網上圖片




而 Cuz將照片形容為「 My 2 homies」,稱呼得鬼咁 sweet,而佢啲朋友仲提醒 2人小心關係曝光。網上圖片


28/9攬狗床照
Cuz上週六( 28日)晚掟咗一張貌似 Gaile嘅女仔同狗嘅床照上 Instagram,當時着住花花裙露腿嘅 Gaile擺甫士鬼咁風騷。網上圖片

封鎖 Instagram


Gaile去峇里,而黎明上週二( 25日)亦飛去泰國幫 Unicef做慈善活動,同 Gaile有咁遠避咁遠。

而 Cuz亦唔避忌, 9月尾上載二人玩樂照,兩人又攬住同一隻狗,其中一張 Gaile攬狗床照,好友仲鬼馬留言「 haha」和提醒他們小心關係曝光,但週一報道出街後,原本 Instagram任睇嘅 Cuz,傍晚時已將此轉為 private。
有傳現處北京療情傷的黎明亦傳出日內會發聲明登報交代婚姻關係,就此事本刊於週一( 1日)致電問黎明經理人陳善之,佢連續 3次強調話:「冇嘢回應!」即收線。 Gaile嘅模特兒公司 Cal-Carries高層 Ivy就話:「冇同 Gaile聯絡喇,幫唔到你哋,唔好意思!」 

阿 Fa下體紋身


剛剛 28歲的 Fahraani(阿 Fa), 9年前曾來港發展加入 Elite Model,據稱阿 Fa在港期間不時與 Gaile出外夜蒲,除爛玩爛飲外,阿 Fa最出名係身上多處紋身,據聞連下體都有紋身,難怪同乳頭有 BB紋身嘅 Gaile好夾。在港工作時間不長的阿 Fa, 21歲已返回印尼峇里島嫁人,而且長居當地。


06年 2月,黎明拖住 Gaile同遊峇里預支蜜月,當時接待 2人就係 Gaile好姊妹 Fa(右), 𠵱家 Fa又介紹 Cuz畀 Gaile,黎明真係多得佢唔少。


形象豪放
頭髮經常轉色嘅 Fa,與 Gaile迷離自拍。網上圖片


High到剝衫
上月生日派對,壽星女 Fa high到除衫,半裸任影,仲唔介意擺上網任睇。網上圖片

由濃轉淡


黎明同樂基兒 05年撻着, 08年於美國秘婚,最近更傳出婚姻急轉直下。

11年 8月 孤獨慶生
由上年 8月開始已傳出黎基戀由濃轉淡,當時黎明沒有陪 Gaile慶祝生日,事後黎明㷫爆話:「我冇必要講樂基兒做宣傳。」

11年 10月頭  May be分居
上年 10月樂基兒出活動時爆出「 May be分居」宣言,之後又去朋友貝沙灣寓所過夜,更被影到將油畫由上水屋搬去觀塘貨倉,婚變傳聞升級。

11年 10月中 和好拖手
不過事隔唔夠半個月,黎明同 Gaile又被人影到於北京街頭拖手行街拍拖,婚變傳聞暫時降溫。

12年 1月 大肚疑雲
傳出樂基兒為黎明懷孕, Gaile更曾專程返美國老家安胎, 1月尾返港時成班記者追問,不過事後黎明澄清:「新年唔講大話,佢( Gaile)真係冇懷孕。」

12年 8月 箍煲攻勢
突然有人爆料話黎明同樂基兒已離婚, Gaile更返美國冷靜,之後傳出黎明送樓、送車兼送遊艇,以銀彈攻勢箍煲,但 Gaile竟自爆話好耐冇出海。


《蘋果日報》圖片


網上圖片


《忽然 1周》圖片

採訪、撰文:娛樂組
攝影:娛樂攝影組

    tvb4life 發表在 痞客邦 留言(0) 人氣()