26/9
上週三( 26日)岑麗香做《兄弟幫》嘉賓,完騷後主持之一的陳國峰同女神一齊搭的士走人,其間陳國峰仲幫女神攞化妝品,好鬼 gentleman!

封面

𥄫中 1年 喪攞電話 肌佬主持搶溝岑麗香

2012年10月03日 ~~ 第280期 Face

靠《巴不得媽媽》的香香公主彈起,濕身透 bra狙擊苟姑娘成為新一代宅男女神的岑麗香,原來唔只得電車仔歡心,連肌肉型男都嗒佢糖。
早喺 1年前,《超級巨聲 2》的隊長「大隻肌男」陳國峰,已經暗 like尚未變成公主的岑麗香,經過一年電話攻勢,上週三做完節目後,陳國峰更主動陪公主坐車返香閨。溝女神身體力行,陳國峰又不避嫌冧讚香香公主「好可愛、好純情」。冧到咁揚, 29歲陳國峰因住變電車公敵喎。

鬼祟匿牆


𥄫吓有冇人影先!設計對白

的士未到,陳國峰做哨兵睇水,而岑麗香則匿埋避見人,但仍不時忍不住探頭偷望有車未,似好心急返歸。 


岑麗香早前去三亞為《衝上雲霄 2》拍外景,自 10年選「華姐」之後再以激罕三點式上陣,電車仔當係寶。《壹週刊》圖片

新紮女神岑麗香, 10年以「國際中華小姐」冠軍簽約無綫。 27歲女雖然拍電視劇唔多,但自從《巴不得媽媽》後,入屋形象討好的岑麗香,無綫已安排多套劇集力捧,包括下年的重頭劇《衝上雲霄 2》,明顯谷佢上位做花旦。 

嗲聲招兵


從加拿大回港的岑麗香,講嘢嗲聲嗲氣得人歡心,之前有傳熱情舉動搞到連將為人夫的錢嘉樂都失控中招,雖然緋聞似宣傳,但據知錢太湯盈盈確實嬲爆捉過錢嘉樂問話,不過岑麗香裙下兵仔又點只錢嘉樂一個,其中《超級巨聲 2》隊長陳國峰更早於一年前已 𥄫中女神天生麗質。

護送上車


的士到達後,兩人快速跳上車,陳國峰說:「我叫佢一齊搭嘅,我順路啫!」





焗返屋企




醒目的岑麗香晨早知有兩間傳媒的採訪車跟到佢實,撇唔甩記者,惟有焗住自己返將軍澳中心屋企,臨上樓仲要同記者揮手 bye bye。 

即場抄牌


據知當時陳國峰擔任主持的《兄弟幫》節目,曾邀請岑麗香和唐詩詠做嘉賓接受訪問,據知當日陳國峰對「邦嫂」零興趣,反而跟初出茅蘆的岑麗香卻言談甚歡,之後陳國峰更即場主動問岑麗香攞電話,至上週三( 26日),陳國峰再出招向監製提出邀請香香公主做嘉賓,兩人前後腳鬼祟離開,男方實 call定的士送女神回家,接送做到足,陳國峰亦不避嫌讚香香公主好可愛。
F:《 FACE》 陳:陳國峰
F:係咪追岑麗香呀?
陳:我哋識咗 1年啦……佢份人幾得意,講嘢又好搞笑,佢好可愛、又純情,不過我唔係追佢,朋友啫,了解吓先啦!
F:你主動提議搵佢上你個節目喎?
陳:我有畀意見啦!唔係我話晒事嘅,不過我都有贊成請佢嚟,之前佢同錢嘉樂單緋聞咁 hit,今次咪再請佢嚟澄清吓囉,佢近排又咁紅!
F:你送佢返屋企?
陳:嗰日係我叫佢一齊搭的士嘅,咁收廠冇晒人,剩番佢一個,我順路啫,佢仲擔心啲記者見到我哋,又傳我哋緋聞添。
男方咁主動,本刊週一( 10月 1日)致電岑麗香,問陳國峰係咪佢杯茶時,岑麗香笑晒口話:「哈哈,我都唔知自己鍾意邊 type,我哋係朋友啫,而且唔係好熟,因為我唔熟香港,有車咪一齊坐囉!」見車就上冇問題,唔好亂震就得喇!


自從在《巴不得媽媽》一幕濕身透視後,香香公主即變宅男女神,高登仔瘋狂追捧。


岑麗香正忙於拍攝《衝上雲霄 2》,喺機場取景當日,羅仲謙喺佢身後行過,公主仲大讚佢係 funny tourist。

《兄弟幫》結緣


巨聲二幫隊長陳國峰有「胸肌隊長」之稱,雖然在比賽中只得第六名,但佢演繹楊宗緯的〈洋葱〉就成為參賽者中難度最高的歌曲。據知陳國峰去年第一次跟岑麗香見面後,已即時攞公主電話,但陳國峰說:「我係有佢電話,不過只係傾公事,我好少打畀佢,唔想再有緋聞影響佢!」大隻佬真係細心喎!


上週三再聚
上週三( 26日),陳國峰再次訪問岑麗香,而岑麗香亦將訪問後的合照放上微博。


一年前 𥄫中
去年 9月,陳國峰與王梓軒主持的《兄弟幫》邀請岑麗香及唐詩詠當嘉賓,當時陳第一次遇上岑麗香。


佢幾得意,好可愛又純情。真實對白


10年的《超級巨聲 2》,陳國峰以楊宗緯的首本名曲〈洋葱〉震撼全場。《蘋果日報》圖片

香香公主出巡


岑麗香近期勁 hit,除接騷冇停手外,連明年重頭劇《衝上雲霄 2》都要嗱嗱聲加個角色畀佢,不過靚女身子弱,上週五( 28日),本刊發現岑麗香素顏睇醫生,週一( 10月 1日)香香公主話:「我之前耳水不平衡,不過唔係好嚴重,食咗幾日藥冇乜事啦!」保重呀公主!


專攻減價
睇完醫生,岑麗香再喺附近商場 shopping,不過正價貨品唔啱佢,岑麗香反而專睇啲減價貨,可惜最終都係空手而回。


素顏驗身
上週五( 28日),香香公主同表姐喺將軍澳坑口 X光化驗所睇醫生疑似驗身,零化妝的岑麗香出街仍然好自信,等睇醫生期間都坐正喺窗邊位任你 𥄫,不過就冇街坊認得。


慳搭港鐵
居住將軍澳中心的岑麗香,到坑口醫務所睇醫生,睇表姐兩個人都冇搭的士,寧願搭一個站港鐵行上又行落,女神真係好鬼慳。

新金蛋 1個月 8騷


憑《巴不得媽媽》入晒屋,岑麗香行騷出席活動亦愈來愈多,身價亦連隨三級跳,由初出道幾千蚊一個騷,到 𠵱家 6萬幾一個騷價,仲要未必 mark到, TVB新一代金蛋非香香莫屬!

12/9  Joy& Peace秋冬時裝發布會
18/9  ATSURO TAYAMA時裝騷
19/9 超級國家盃 2012馬球賽
22/9 九展婚紗騷
23/9 鑽石山商場活動
25/9  Ted Baker時裝騷, Cole Haan時裝騷
27/9  Juicy Couture時裝活動


Ted Baker
苟芸慧同香香兩個都捧為新一代女神,上週二( 25日)出席 Ted Baker活動時,更被指到場冇偈傾。


婚紗 show
香香穿上婚紗行 catwalk,笑言如今忙得好開心,不過就少咗睡眠時間。


Cole Haan
上週二( 25日)香香更試過一日走兩場活動,同苟芸慧撼完後,又踩落 Cole Haan活動。

採訪、撰文、攝影:娛樂突發組

    tvb4life 發表在 痞客邦 留言(0) 人氣()