插圖: Wendy

揞名爆

「衰多口」借醉行兇

2012年09月28日 ~~ 第896期 忽然1周

老實講,呢幾年「衰多口」已經收斂咗唔少,無以前咁囂張亂噏當秘笈!近期搞電影都有好成績,又成日講佛,成個人好似唔同咗。

之但係,有幕後 friend就同媽咪姐講:「嘿,你哋唔知佢以前啲衰嘢啫!我就覺得唔可以睇表面囉。」原來呢個公仔箱幕後人員,以前同「衰多口」一齊喺二奶台做過,有次成班台前幕後約埋幾個記者去唱 K聯誼吓。嗰晚好熱鬧呀,「殭屍先生」同性感亞姐「喉沙沙」都有出席,仲同班記者玩得好 happy。當時仲未紅嘅「衰多口」話咁快飲到面紅紅,大家都有啲怕咗佢。不過,最過分嘅係,有個入行無耐嘅靚女記者,啱啱去完 toilet,開門行出兩步,就俾「預先埋伏」嘅「衰多口」好大力咁推埋牆,仲伸頭想咀落去。嘩嘩嘩,癲㗎!好彩隔籬有人即刻拉住「衰多口」,嗰位靚女記者先幸免於難,但已經嚇到面青青。
就咁嘅,「衰多口」事後有 say sorry,又話自己飲醉咗喎!媽咪姐呢,就從來只信「酒醉三分醒」,大家話係咪先? 

    tvb4life 發表在 痞客邦 留言(0) 人氣()