肩並肩行街
張可頤未入行前跟上海策略置地老闆董波拍拖, 1998年分手。及後與經理人陳容森共賦同居,惜戀情於 2004年結束。半年後,張可頤被拍得跟鄧霓儀一齊,緋聞不脛而走。

當年今周

那些年,追過張可頤的女孩

2012年09月28日 ~~ 第896期 忽然1周

今年,可謂同性戀界最多姿多彩嘅一年。黃耀明、蘇施黃、慢必(陳志全)等藝人相繼「出櫃」,趙式芝早前亦跟同性密友楊如芯喺法國結婚,成為香港社交界首對公開承認結婚嘅同性伴侶。
其實伴侶係同性又好,異性亦好,最緊要兩情相悅啫。 2004年 9月《忽周》第 478期,張可頤被目睹跟「上海灘」老闆鄧永鏘胞妹鄧霓儀一齊買情侶錶,其後佢多次起飛腳作狀踢向鄧小姐 pat pat,態度親暱,猶如耍花槍中嘅情侶一樣。
呢段疑幻疑真嘅同性之情,維持唔係好耐; 2008年張可頤亦重回男人懷抱。此情雖然已成追憶,不過當時能成為「密友」,大概總帶着愛嘅。媽咪姐都係嗰句,開心自在咪得囉。

檔案編號第 478期
日期: 24/9/2004


風騷出席活動
有指張可頤經友人介紹認識任職餐廳行政經理嘅鄧霓儀。兩人來往甚密,當時更不避嫌一齊出席時裝活動,表現風騷。


街頭耍花槍
張可頤與男性打扮嘅鄧霓儀相約中環行街,其間張趁人少少,作狀起飛腳踢向對方。

密友大解放


近年明星、名人解除束縛,主動公開性取向。有部分雖然未有公開,但選擇將關係浮面,恩愛人前。


趙式芝早前承認與拍拖 7年嘅同性密友、波爾錶太子女楊如芯結婚,成為社交界第一對公開承認結婚嘅同志伴侶。


蘇施黃多年來跟金燕玲關係親密,今年 5月,佢更「出櫃」承認同性戀。


向來低調嘅關菊英未有公開性取向,但近年跟同性密友周偉利出雙入對,戀情逐漸浮面。


何超瓊 2010年跟俞琤開始來往,早前更被拍到結伴蜜遊巴黎,關係漸見公開。

    tvb4life 發表在 痞客邦 留言(0) 人氣()