薛凱琪自家月餅矜貴,為免順得哥情失嫂意,所以冇喺微博張揚,不過梁祖堯(右二)嘅微博就露咗口風。

博出位

整餅

2012年09月28日 ~~ 第896期 忽然1周

月餅愈來愈多花臣,由傳統雙黃、冰皮、生果味,到家陣連朱古力脆皮各適其適!與其唔知買邊款,不如學一班藝人自製月餅,有得玩又有得食。

薛凱琪 貴價奶皇月


港人乜都搶,就連半島酒店嘉麟樓年度推出嘅月餅都大把人爭,有錢都未必買到。於是薛凱琪與兩個老死 Wyman同梁祖堯,早前就跟咗曾喺半島酒店任職嘅師傅,學整貴價酥皮奶皇月,不假外求。




薛凱琪呢件愛心月餅,最終落咗方大同及其他朋友口中,一人分得一啖仔,真係誇張。

謝安琪 愛心月餅


除薛凱琪外,謝安琪亦跟「半島」前師傅學藝,一手整咗 32個。家陣謝安琪放軟晒手腳,銀重任就落喺近日忙拍劇嘅張繼聰身上,所以呢批月餅,用嚟慰勞老公,啱數。







周麗淇 七彩生果月


坊間啲冰皮月餅乜味都有,周麗淇於是有樣學樣,用咗半晚時間,自製一款七色七味嘅生果冰皮月餅。佢仲好有心思,搵一個 cute爆嘅盒載住,可愛得佢吖!







鄧紫棋 國產出品


早前 G.E.M.(鄧紫棋之洋名)遠赴杭州登台。其他歌手登台忙唔停,但 G.E.M.竟然抽到時間踩入當地有名食品廠,自製四件傳統月餅,男友林宥嘉認真有口福!





tvb4life 發表在 痞客邦 留言(0) 人氣()