阿仔,跟我學吓嘢啦!(設計對白)
四太身為保良局副主席,帶埋仔女出席《星光熠熠耀保良》,除咗私人捐 230萬,仲全程跟到實。見到仔女有記者埋身,佢又出面幫手,呢個阿媽真係唔易做。

媽咪姐

何猷亨搞咩呀?

2012年09月28日 ~~ 第896期 忽然1周

賭王何鴻燊家族成員多到暈,各房為咗慈善活動,頻頻現身。好似四房大仔何猷亨,近期就成日陪住阿媽梁安琪出席「保良」活動。 19歲嘅佢,面對傳媒明顯唔多習慣,加上早輪被拍到攬女夜蒲,佢一連兩日出動都封口,好有態度喎!

好似上星期五( 21日),佢去手機活動,但遲咗成個幾鐘,一到場又面燶燶,企唔夠 2分鐘,仲即刻跑上車走人,好趕咩?到第二日( 22日),猷亨陪四太同家姐超盈去《星光熠熠耀保良》,仲代表老竇何鴻燊捐咗 100萬,不過依然十問九唔應。一班記者問多句,佢即時變樣,耍手擰頭咁話︰「我唔會答你㗎喇!」何公子,出嚟唔講嘢,淨係做布景板,會唔會嘥咗你呀?


較少出席公開場合嘅猷亨,表現緊張,一上台即時抽褲頭,失禮!


連環出事
猷亨大力攬實家姐超盈條纖腰,搞到 bra帶都走埋出嚟!


周五,猷亨單拖去手機活動,遲咗個幾鐘。到場 2分鐘後,指手畫腳一輪,之後就黑面跳上車走人。


黑面暴走

    tvb4life 發表在 痞客邦 留言(0) 人氣()