Set行晒頭官仔骨骨嘅城城,拉住「仔仔」出場領獎時,神采飛揚。

媽咪姐

郭富城好帶挈

2012年09月28日 ~~ 第896期 忽然1周

啱 啱過去 嘅星期日,對郭富城 嚟講可謂係重要 嘅歷史時刻。大家唔好誤會,唔係宣布同熊黛林結婚,而係佢個仔——「愛的呼喚」首次出賽!

當日老友張智霖、沈嘉偉同老婆邱淑貞都有 嚟撐場, 喺馬場好多人都問城城「愛的呼喚」第一次出賽點呀?雖然佢對個仔信心十足,不過仍然好謙咁話「三甲啦!」
唔知係咪因為城城一句「三甲啦!」開跑前半個鐘仲有馬迷不停落飛,唔少城城 fans為撐偶像都有落注,最後「愛的呼喚」不負城望,贏足一個半馬位衝刺摘冠。


曾志偉同沈嘉偉依然淡定,張智霖就興奮到高舉兩隻手指公,唔通佢買 咗唔少?


唔少網友 喺微博貼上當日支持城城愛駒 嘅彩票,有 啲人仲話人生第一次買馬㖭。

    tvb4life 發表在 痞客邦 留言(0) 人氣()