14/9
謝偉業出埠度假,當晚徐子珊就出席英皇 70周年晚會,懶理前度風流快活。《蘋果日報》圖片

封面

半年金龜夢碎 眼醫玩厭徐子珊即飛

2012年09月26日 ~~ 第279期 Face

TVB一線花旦今年似乎個個唔係桃花運滯就係行桃花劫。繼胡杏兒早前同 黄宗澤掟煲、楊怡最近亦爆出跟羅仲謙疑似車震醜聞,連徐子珊都行愛情衰運。本刊收到可靠消息,徐子珊已跟行埋半年的眼科名醫謝偉業掟煲。
據知分手原因,係謝醫生瞞住子珊跟其他女子秘密交往,而一度深受 TVB老闆「殼王」陳國強寵幸嘅子珊,亦因為同謝醫生撻着而得罪殼王,被 TVB投閒置散冇劇開,正宗人才兩失。

33歲徐子珊除咗冧掂老闆「殼王」陳國強外,連醫生都被佢電暈。今年 5月本刊率先爆眼科名醫,有「翻版中田英壽」之稱 嘅謝偉業醫生,跟子珊拍拖 2個月,更拍得謝醫生送外賣上門,跟子珊於貝沙灣住所纏綿 4日 3夜。


14/9出埠瘟新女
前週五( 14日)謝偉業醫生一支公出現機場,據知熱愛打 golf嘅佢出發去東南亞度假,當然唔會得佢一個男人去咁齋啦!



醫生多女


為追女神,謝醫生曾經出盡法寶,經常為子珊當「咕喱」、「外賣仔」等送外賣搬行李。不過謝醫生對子珊服侍周到,亦一樣對其他女士獻殷勤。知情者說:「 Marvin(謝偉業)本身係出名眼科醫生,大把錢,而且外形又唔差,加上佢份人對個個女人都好有風度,所以身邊一直都好多女友。」而貴為 TVB一線花旦,子珊點會肯同其他女人分享?直至今年 8月,二人正式分手。


11/5熱戀期
謝醫生同徐子珊啱啱開始拍拖期,相當落力,試過深夜收工仍四圍撲買宵夜,再送上徐子珊嘅貝沙灣屋企同佢慢慢歎。


14/5
二人於貝沙灣煙韌足 4日 3夜後,徐子珊要出發去澳洲拍特輯,謝醫生即充當「咕喱」幫子珊推行李,並送對方去機場,連「咕喱」都做埋,當時子珊冇乜辦法唔冧。



雪到 12月


本月 14日,本刊發現謝偉業醫生單拖現身香港機場,據知他此行是跟女性密友到東南亞度假。本刊問他是否已跟徐子珊分手,謝醫生匆匆入閘並冇回應;而和謝醫生拍拖前,徐子珊曾得無 綫大老闆「殼王」陳國強寵幸,上年拍足 5套劇。但自從同醫生戀情曝光後,事業即時告急,今年只有新劇《雷霆掃毒》孭飛做女主角,其餘劇集都係客串居多,要等到 12月先有新劇開。


上年拍 5套劇,但今年徐子珊只拍了《雷霆掃毒》及與吳卓羲合作的《戀愛季節》(圖) 5集,其餘只係客串,成績冇咁好喎!


深情男
謝醫生唔單只係眼科名醫,平時更喜歡親自下廚,佢更把烹飪相上載到「 Line」。而佢嘅 WhatsApp狀態亦寫上「深禪淺唱」,呢句出自內地潮文,全文意思大概係男方覺得同女方一齊,就算愛得幾平淡都好享受,都話謝醫生冧女掂啦!(網上圖片)

「子珊最近唔係咁開心,佢最初諗住醫生信得過,覺得佢係金龜添,點知咪又係花心,子珊唔分手唔得,最慘係當初佢同醫生一齊,搞到殼王覺得佢唔專心事業,仲試過話反正佢掛住拍拖,下半年開劇唔使預佢啦!子珊覺得 𠵱家兩頭唔到岸,惟有 hea一排先囉!好彩有《雷霆掃毒》出街,佢角色好搶,睇吓呢次幫唔幫到佢喇!」
週日,徐子珊出席《雷霆掃毒》宣傳活動,提起跟醫生分手,子珊笑笑口話大家一直係朋友。


花旦個個有劇開,反而徐子珊喺今年就客串居多, 喺新劇《仁心解碼 2》就客串一集,做方中信老婆,仲要一出就死咗。《蘋果日報》圖片


未有劇開,子珊最近幾得閒,上月中就去咗新加坡同一眾小生花旦出席頒獎禮,但呢啲登台宣傳居多,賺錢較少。

F:《 FACE》徐:徐子珊

F:同醫生感情點呀?
徐:我哋一直係普通朋友。

F:佢同你一齊半年就冇 咗,覺唔覺(對方)玩你?
徐:我哋一直係朋友關係,冇拍過拖喎!

F:係咪殼王嬲你同醫生拍拖,所以雪你?
徐:公司對我好好,我 啱 啱先同林峯拍完大陸電影, 嚟緊周圍飛登台,之前有套大陸劇搵我,但時間唔夾推 咗。我 12月應該會拍劇。


23/9「了解中」變普通朋友
5月撞破徐子珊同謝醫生拍拖,當時徐子珊話謝醫生係「了解中 嘅朋友」, 𠵱家分 咗手,問到二人關係時,子珊即話:「一直以來都係普通朋友。」死唔認拍過拖。


10年開始傳出徐子珊得到殼王(左一)寵幸, 11年即拍 咗 5套劇,但自從傳出同謝醫生撻着,徐子珊事業即告急,連早前大晒冷企位亦靠邊站。

毒后搶戲


林峯飾演嘅韋世樂屬毒品調查科總督察,利用沾上毒癮嘅徐子珊做線人,搜集毒犯販毒資料,之後因日久生情而愛上子珊。

《雷霆掃毒》係林峯第一次擔正演差佬嘅電視劇,劇中由頭到尾都鬼咁正義嘅峯哥,演技難發揮,反而俾飾演率領班兄弟掃毒,原來自己暗中販毒嘅黑警苗僑偉搶晒鏡。
女角方面就徐子珊最搶,劇中飾演毒品調查科總督察嘅林峯線人,唔只自己吸毒變成毒后,經常 high爆、更慘被林峯同僚黃智賢強姦,大把發揮。 




變毒后
劇中子珊老豆係毒犯,自己亦被人打毒針染上毒癮,睇佢毒癮發作,個樣幾鬼 high。 




被迷姦
而一次毒品調查科行動組總督察黃智賢,進行緝毒行動時,發現子珊吸毒後失去知覺,於是色心起將佢強姦。 




死細佬
子珊慘遭強姦,最慘係連最錫嘅細佬(麥子樂飾)都被虐打致死,條命坎坷到絕頂,真係好考演技。 




唔過電
官恩娜屬林峯嘅毒品調查科下屬,之後由鬥氣變成傾慕,但最後卻殺出徐子珊同佢爭仔。劇中官恩娜同林峯有唔少感情戲,但 Ella話同林峯唔過電, chok峯真係失威。 




三哥變黑警
《雷霆掃毒》中苗僑偉屬毒品調查科高級督察,因與老婆吳綺莉性格不合離婚。一次與兄弟偷走[!99DD]款,從此被神秘組織揸住痛腳,一直被操控犯罪,變成黑警。 

花旦追貼


自「殼王」陳國強入主 TVB後,徐子珊身為殼王寵愛的花旦,劇集一套接一套,淨係上年都有六套劇出街,如《潛行狙擊》及《法證先鋒Ⅲ》等,但謝醫生的出現,令到徐子珊為愛情而被殼王打入冷宮,除未播映的《戀愛季節》外,只得《仁心解碼Ⅱ》的客串一角,而同一時間大把等上位花旦乘勢追貼,隨時取代子珊一線花旦地位。




陳茵媺
因雙陳戀而人氣急升,除了播映中的《天梯》做第二女角,未出街的《叛徒》及《情越海岸線》中更升為第一女主角。
即將播映:《情越海岸線》、《叛徒》、《大太監》、《仁心解碼Ⅱ》 




唐詩詠
03年入行至今都備受 TVB力捧,淨係今年都有四套劇擔正出街,如《拳王》、《飛虎》、《造王者》等。
即將播映:《大太監》、《神探高倫布》、《初五啟市錄》 




朱晨麗
因有「翻版陳法拉」之稱,選完港姐後即獲 TVB睇中拍台慶重頭劇,而備受注目的《衝 2》都即留一角畀朱晨麗。
即將播映:《名媛望族》、《衝上雲霄Ⅱ》 


《壹週刊》圖片

陳敏之
11年憑《怒火街頭》中的「索腿天后」而嶄露頭角,備受力捧,在《法網狙擊》中亦有一角,以及《衝Ⅱ》中亦有份客串。
即將播映:《情越海岸線》、《叛徒》、《大太監》、《仁心解碼Ⅱ》 

採訪、撰文、攝影:娛樂組

    tvb4life 發表在 痞客邦 留言(0) 人氣()