楊怡羅仲謙誓告《蘋果》

緋聞情侶楊怡與羅仲謙昨被《蘋果日報》力指車震,由於有感旗下藝人聲譽遭嚴重損害,無綫及星皓誓要將事件訴諸法律行動,為兩名苦主討回公道!無綫更不排除封殺《蘋果日報》!至於楊怡與謙仔,昨現身電視城時力證清白,楊怡更激動至眼濕濕謂:「我想澄清冇亂寫嘅嘢發生!」



羅仲謙與楊怡現身澄清,講到激動時楊怡更眼濕濕。

緋聞情侶楊怡與羅仲謙昨遭《蘋果日報》圖文並茂力指車震,由於事件嚴重損害兩名藝人聲譽,經理人公司無綫及星皓誓要追究到底,更會訴諸法律途徑討回清白!無綫外事部副總監曾醒明昨強調無綫一定會採取法律行動,更不排除封殺無良傳媒:「我哋會開會討論進一步行動。」星皓老闆王海峰亦指會力撐謙仔:「如果無綫決定採取法律行動,我一定支持!我深信羅仲謙嘅解釋,當時唔係喺車度做緊嗰樣嘢。」

星皓無綫力撐

至於兩名主角,楊怡昨凌晨即火速在微博譴責歪曲事實:「為何你們不是報道事實的真相,而是要歪曲事實?良心何在?」之後再於下午五時與謙仔在電視城會見傳媒,無綫高層樂易玲、曾醒明及星皓員工全程傍實。二人雖表現輕鬆,但楊怡說至激動處還是忍不住嗚咽兼眼濕濕:「呢件事令我聲譽受損,對我打擊好大……藝人都係人,知咩係操守,唔會做犯法嘅嘢,佢哋所講咁私人嘢,更加唔會喺呢啲情況發生。」


楊怡與羅仲謙在電視城會見記者,力斥清白。

樂易玲與王海峰為保旗下藝人清白,會採取法律行動。

王海峰

唔想醉樣曝光

楊怡直指因不實報道而哭過,並謂會對事件保留法律追究權利:「呢件事對我造成誹謗,我對得住自己!(驚有其他相?)唔驚!(有兩張相有異物?)不如叫佢攞出嚟睇吓先啦,我唔介意,我冇做過!」謙仔亦力指楊怡是事件最大受害者:「呢啲事對女仔好侮辱。」談到沒扣安全帶,楊怡則直認有錯。對於戀情因被拍得親密同車曝光,楊怡堅稱與謙仔只是發展中:「順其自然,有機會發展。」並否認同居:「我同媽就同居啫,呢啲字眼係大家揣測。」 

楊怡憶述事發當晚與張美妮等藝人好友喝完酒後,因不勝酒力及想避開追訪,先與數名好友乘的士到張美妮寓所小休,而一早到場等候楊怡的謙仔,則轉往張家接載楊怡。楊怡指坐的士已大嘔兼斷片,她解釋全程伏在謙仔大髀上只因不想醉樣曝光:「對住信任嘅人,瞓喺大髀度係毋庸置疑。」她更為嘴角現異物解畫謂:「去到我屋企門口,謙仔拍醒我,飲醉起身實想嘔o架啦,我咪即刻攞起碗麵打開個蓋嘔落去咯,嘔完個嘴自然係濕濕哋,我想澄清冇亂寫嘅嘢發生!」謙仔則強調全程任由楊怡伏在大腿,是怕對方辛苦。

楊怡胞姐楊卓娜昨亦現身電視城,但卻顯得相當避忌:「今日好忙,冇打畀楊怡!」之後即以趕入廠為由匆匆離去,不過她稍後與唐詩詠、陳敏之在微博留言力撐楊怡兼為她打氣。

文:影視組

楊怡羅仲謙誓告 《蘋果》

被指「車震」的羅仲謙和楊怡昨日齊齊現身電視城澄清,直指受到大打擊的楊怡一度嗚咽,而經理人公司無綫與星皓則誓以法律途徑追究失實報道。

羅仲謙和楊怡昨日在高層陪同下現身電視城澄清,二人起初神情輕鬆,但楊怡談及聲譽受損時一度眼濕濕,而無綫方面則表示一定會向《蘋果日報》採取法律行動。無綫外事部副總監曾醒明表示公司會正視事件,對有關方面一定會採取法律行動,問會否封殺該傳媒並不准許他們採訪旗下所有活動?他說:「會開會討論進一步行動。」

至於羅仲謙經理人公司星皓公司老闆王海峰表示一定會撐旗下公司藝人,現時與無綫商討是否採取法律行動,他更指深信羅仲謙。

楊怡指當晚因開心喝多了酒,故一早着羅仲謙接她,而謙仔甫到場即發現有傳媒:「我先搭的士去人哋屋企,再叫謙仔嚟接我,嗰陣我已斷晒片,喺的士度嘔,身為藝人唔想畀人影到飲醉相,對自己信任嘅人瞓喺佢大髀係毋庸置疑,並唔係傳媒歪曲嘅報道咁。」

「唔會做犯法嘢」

楊怡表示甫抵達家,謙仔即拍醒她表示有傳媒,她起身時想嘔,便拿起車上的麵打開蓋嘔下去,嘔時弄濕嘴角,謙仔則表示沒扶開伏在他大髀的楊怡,是因怕對方嘔和辛苦。

楊怡指今次事件令其聲譽受損、打擊很大,故要平反,她眼濕濕說:「藝人都係人,知乜嘢係操守,唔會做犯法嘢,佢哋所講咁私人嘅嘢更加唔會喺呢啲情況發生。」問到是否公開拍拖關係?楊怡指二人是了解階段,順其自然,問到前晚是否喊得很厲害,她說:「女仔受咗委屈好正常。」她又表示會保留法律追究權利,因字眼已造成誹謗。她又否認與謙仔同居,謙仔則力撐楊怡說:「成件事受到最大傷害係佢,呢啲事對女仔好侮辱。」

楊怡承認沒佩戴安全帶有不對,問到報道所指嘴角白色的是甚麼?楊怡指是嘔吐物,並理直氣壯指不怕還有其他照片流出:「不如叫佢哋攞出嚟睇吓先,我唔介意,亦都唔驚。」

另外,楊怡昨晨於微博力指傳媒工作者沒有道德操守:「為何你們不是報道事實真相,而是要歪曲事實?良心何在?」

而楊怡家姐楊卓娜昨日亦返公司錄影,並強調很忙沒致電楊怡,但在微博上對妹妹表示支持。

影視組

楊怡和羅仲謙講述事件時神情一致。

羅仲謙(左起)和楊怡現身電視城否認「車震」,吸引大批傳媒採訪。

齊為車廂親熱解畫
楊怡:醉瞓謙仔大髀 83,655 


楊怡表示與羅仲謙正在互相了解中。

28歲的羅仲謙跟33歲的楊怡前日凌晨同車返家,楊怡被本報記者發現在羅仲謙駕車途中伏在他要害上,昨日二人分別在經理人陪同下,在將軍澳電視廣播城跟記者見面,會上楊怡主力發言,她否認跟羅仲謙拍拖,只承認雙方在觀察中,她解釋當時因為飲醉酒,所以伏在羅仲謙大髀上,她說:「對於自己信任嘅人嚟講,我瞓喺佢大髀度,覺得絕對係毋庸置疑。」

羅仲謙與楊怡前日凌晨同車返楊怡將軍澳家,在40分鐘車程中,楊怡的頭都不見了,其後記者在燈位發現,楊怡伏在羅仲謙的要害上。二人昨日在雙方的經理人李小姐、樂易玲和曾醒明陪同下,在將軍澳電視廣播城的傳媒中心見記者,席間以楊怡最主動發言,她率先開腔說:「其實嗰日(大前晚)係第13期訓練班搞聚會,有啲人已經離開咗TVB,我自己本身好少出去飲宴應酬,但係嗰日太開心,飲多咗酒,我食飯之前已經同羅仲謙講,叫佢嚟車我,因為法律係飲咗酒唔可以揸車,所以咪搵咗個信任嘅人送我返屋企。」



羅仲謙和楊怡昨面對半百記者,楊怡謂因信任羅仲謙,所以伏在他大髀。 

羅仲謙和楊怡昨日笑笑口開記者會,齊為前日凌晨的車廂親熱事件解畫。 

羅仲謙前日凌晨接楊怡返家,楊怡一度伏在羅仲謙要害。 聲稱嘔落碗麪度

羅仲謙表示當晚食店外有疑似記者的人出現,楊怡補充說:「我本身性格唔係一個鍾意出風頭、鍾意食飯俾人跟、行街俾人影嘅人,所以我選擇咗同張美妮、趙永洪同埋一個訓練班嘅同學仔,一齊搭的士去美妮屋企落車,羅仲謙先至再pick up番我上車,但係我喺的士度已經嘔同斷晒片,落的士已經嘔晒喺地下同暈,我喺嗰陣時間已經斷咗片,作為一個藝人,喺飲醉嘅過程係冇人想俾人睇到,而且對於自己信任嘅人嚟講,我瞓喺佢大髀度,覺得絕對係毋庸置疑,我覺得有必要講番,喺嗰一剎那點解大家會睇到嗰啲相,係因為去到我屋企閘口嘅時候,羅仲謙同我講:『阿怡醒喇,有狗呀』一個藝人對於有記者呢啲咁敏感嘅字眼,第一時間惟有遮住塊面、戴番頂帽,不過飲醉嘅人瞓低好哋哋,一起身即刻想嘔,咪攞起碗佢原本買畀自己食嗰碗麪度,打開個蓋喺裏面係咁嘔,嘔完之後嘴濕濕。呢樣咪係我想澄清番嘅嘢,當然中間斷片嘅嘢,咪交番畀佢去講。」

羅仲謙悔冇制止

接着羅仲謙說:「我知佢會去聚會同飲酒,咪預早少少去等佢,等佢嗰陣懷疑有記者,咪去咗美妮屋企上車,佢一上車已經暈暈哋,伏咗喺我大髀度,我責任係送佢返屋企,揸得好安全好慢,亦都冇扶開佢,我怕佢會嘔同好辛苦。返屋企途中,我發覺好似有記者喺後面,其實去到嗰個位置,記者可能察覺我知道,所以咪閘車落嚟影,我咪同阿怡講有記者,佢咪戴番頂帽坐起身,我亦見住佢一起身就嘔,好似佢咁講嘔落一碗等佢嗰陣買畀自己食嘅麪度。」楊怡承認有為事件喊過。羅仲謙承認車程中沒有為楊怡扣上安全帶,他說:「我唔應該俾佢長期伏喺我度,應該幫佢扣安全帶,或者我應該擺佢喺後座。」
楊怡表示藝人都是人,不會在公眾地方做出這種行為,她表示不擔心照片流出,亦不介意將照片公開。楊怡被問到羅仲謙是最信任的人,但她依然否認兩人拍拖,更否認同居,楊怡說:「我哋家係處於互相了解同順其自然嘅方向裏面,影到出入又或者同一架車點可以話係同居。」羅仲謙亦以隨緣來形容雙方發展機會,他說:「感情隨緣喇,我對阿怡將來係正面咁培養感情,家的確喺了解中。」
採訪:何慧斯、楊潔雯
攝影:黃偉雄

舊愛黎諾懿:唔係幾安全 53,692 


黎諾懿覺得前緋聞女友楊怡只是飲醉酒。

楊怡和羅仲謙車震事件引起不少迴響,楊怡胞姊楊卓娜竟懵然不知,昨日她在將軍澳電視廣播城錄影節目時,被問到妹妹楊怡的事,她說:「做乜事?我都唔知乜事,冇嘢講,唔關我事。」問楊卓娜可有致電妹妹?她竟說:「冇呀!我今朝好忙。」不過楊卓娜昨在微博說:「支持你!真金不怕洪爐火,了解你,清楚你為人的人,一笑置之!」
至於楊怡前度緋聞男友黎諾懿說:「係羅仲謙車佢返屋企,以我識楊怡係唔會咁做,會唔會係飲醉酒?」對於楊怡在行車時沒戴安全帶伏在謙仔要害上,黎諾懿說:「咁應該係唔係幾安全。」



楊卓娜昨表示沒致電慰問妹妹楊怡。 方中信:佢唔開工我慘

正跟楊怡拍攝劇集《仁心解碼2》的方中信表示自己同屬受害者,他說:「佢今日唔返,我唔係佢朋友唔好影我,我都係受害者,我甩咗兩場,我係今朝喺廁所知,小朋友緊張搵碇匿,佢哋再係咁,佢三、四日唔開工我就慘,你哋要等去佢屋企等,呢兩日等唔到佢。」
採訪:楊潔雯
攝影:黃偉雄

方中信嘲變車震受害者

未知是否因被指車震影響心情,原本昨晚要為無綫劇《仁心解碼2》開工的楊怡,昨在記招上表示會休息一天,而同劇拍檔方中信昨現身電視城時,則笑指自己才是受害者:「今朝好多人打畀我問呢件事,我都問佢哋使唔使畀楊怡電話你哋。佢今日唔返o架喇,其實我先係受害者,我今日甩咗兩場!」他更搞鬼地着記者到楊怡家外守候,並謂:「我唔係佢朋友,你哋唔好影我。」談到方中信有微言,楊怡在記招上表示會「氹番」對方,但卻撒嬌謂:「佢都要請我食飯氹番我!一樣還一樣,我會繼續拍(劇),唔會逃避!」



方中信因與楊怡合作拍劇,頻接記者電話追問車震事件。 

陳豪撐楊怡不適伏大髀

曾與楊怡合作拍劇的陳豪昨日出席電台錄音訪問時,被問到對楊怡和羅仲謙事件的看法,陳豪大笑:「如果係我會大方啲,捉到都畀記者影張正常啲嘅相,遮遮掩掩可能會有意外效果。」又估計楊怡只是不適才伏在謙仔大髀。記者說發現異物喎,陳豪笑到面紅:「唔係吓話!」又表示謙仔做柴可夫只是紳士表現。問他如何「出火」?陳豪走晒音說:「飲咖啡!」



至於楊怡的緋聞男友黎諾懿昨出席新劇開鏡拜神時表示,雖未有看羅楊被指車震的報道,但他說:「都冇乜嘢啫,都係羅仲謙車楊怡返屋企。(楊怡瞓羅仲謙大髀?)以我識嘅楊怡係唔會咁做,佢可能飲醉咗唔舒服,等佢哋澄清啦。(動作不雅?)未睇相,睇咗先講啦。」問他會否覺得對楊怡形象有影響時,他說:「無論係點,對藝人都唔好啦。」

郭羨妮:拍拖好正常

郭羨妮(Sonija)與陳錦鴻昨日出席無綫新劇《初五啟市錄》開鏡拜神儀式。兩人對於緋聞男女楊怡與羅仲謙被指「車震」,Sonija稱男女拍拖結婚好正常,又為二人解釋當時只是避鏡頭。而陳錦鴻則不相信報道,並指純屬字面誇張。


黎諾懿力撐:佢可能飲醉

對於楊怡和羅仲謙被指車震,各藝人反應不一,但大多數都力撐兩人。

黎諾懿:「都冇乜嘢啫!都係羅仲謙車楊怡返屋企。(楊怡瞓羅仲謙大髀?佢可能飲醉咗唔舒服。(動作不雅?)未睇相,睇咗先講啦!」

陳豪大笑:「我覺得大方啲同記者影張相會好啲,遮遮掩掩可能會有意外效果,不適才伏喺佢大髀。(有說相片中發現異物?)唔係吓嘩!希望唔係啦!」

方中信:「今朝好多人打畀我問呢件事,我都問佢哋使唔使畀楊怡電話你哋。可能係小朋友太緊張啦!佢今日唔返o架喇!你哋去佢屋企樓下等佢啦!其實我先係受害者,我今日甩咗兩場,哈!」

陳百祥:「我認為做傳媒要有底線,我覺得成件事係老作,係一篇不道德嘅作文。我自己就唔怕畀人影,何況私生活係自己嘅事,外人唔應該加鹽加醋。」

至於網友亦議論紛紛,亦有正反兩面。由於當晚楊怡在車廂內伏在羅仲謙的大髀,位置尷尬,故此有不少口痕網友表示睇到O嘴!

不過亦有Fans力撐他們,指報道指二人「車震」冇憑據,不相信他們會做出這回事,網友Winnie sy說:「個記者咁有想像力不如去做編劇。」

樂易玲(右)

黎諾懿

陳豪

方中信

 



tvb4life 發表在 痞客邦 留言(0) 人氣()