由 08年開始,楊謹華就是內衣品牌「曼黛瑪璉」的代言人。她自言屋企有 100套內衣,又話美胸要由內衣做起。呢個代言人算係咁啦。

亞熱帶

楊謹華 豁出去

2012年09月21日 ~~ 第895期 忽然1周

08年憑《敗犬女王》走紅的楊謹華,出道二十年一直肯搏肯捱,不但連續五年成為內衣品牌代言人,攞正牌大騷身材,拍劇亦冇話錫身,應露則露。不過花無百日紅,楊謹華都三十有四,她在新劇《原來愛.就是甜蜜》繼續賣弄胴體之外,更進一步豁出去,首次做人阿媽,正式向演技派進軍。

性戰連場


02年,楊謹華在《台北晚九朝五》(左)女上男下露 bra擒男主角。之後在成名作《敗犬女王》她又與阮經天(右)玩一夜情。






在《原來愛•就是甜蜜》,楊謹華飾演的田如蜜本來是校園公主,不過因為被靚仔搞出人命,獨自帶大兒子,靠做導遊為生。十年後,田如蜜重遇學生時代暗戀自己的李勁陽(王陽明飾)……


由於劇情薄弱所累,楊謹華和明道主演的《鍾無艷》口碑麻麻。好在《原來愛•就是甜蜜》口碑不錯,平均收視大約有 120萬人,楊謹華才守住個招牌。


楊謹華 09年拍《敗犬女王》時,已經睇中同劇細自己五年的懷秋,不過等到懷秋同女友分手,楊謹華至主動出擊。今年 6月兩人情侶裝睇戲(圖),但 9月又傳出楊謹華逼婚失敗致兩人分手。

中學掛住仔


楊謹華讀書時雖然冇搞出人命,不過就絕對唔係乖學生。她早前被舊同學踢爆曾經呃阿媽錢落 Disco跳舞,又試過租酒店開 P;她又自爆高中時會同阿媽講去圖書館溫書,其實就去溜冰場同 K場瘟仔。楊謹華解畫時咁講:「平日屋企管得太嚴,沒太多機會同朋友玩,自己對夜店又好奇,回想都覺得好瘋狂!」
講到玩,楊謹華就真係熟路。早前《原》劇到高雄拍外景,楊謹華爺爺住高雄,佢年年都會去探老人家,於是楊謹華化身導遊,帶大家食地道米糕同睇名勝,搞到遲了到台中宣傳。

同姊妹舊愛咀嘴


至於男主角王陽明,早前因為他是「台灣陳冠希」李宗瑞的好友而被台灣傳媒追訪。王陽明是蕭亞軒舊愛,而蕭亞軒又係楊謹華好姊妹,所以王陽明認識楊謹華十年有多,不時恃熟賣熟明寸楊謹華。
楊謹華戲中有不少古怪扮相,王陽明當住記者面前取笑她:「嘩,你真夠膽,真的着出來見人!」之後又嫌她的造型太娘,宣傳時刻意唔企楊謹華隔籬。反而楊笑笑口話:「即是代表我變身成功啦!」咁至係識撈 吖嘛!《原來愛•就是甜蜜》逢周日晚上 8: 30在 J2播出,想睇兩人點擦出火花,就擔定櫈仔啦!

搞鬼造型


楊謹華在《原來愛.就是甜蜜》有不少 cosplay造型,加上她又飾演自己的學生年代,所以劇中的造型特別多。


人妖學生
《那些年》效應,搞到人人都要扮學生年代。楊謹華雖然 keep得好,不過佢呢個長髮 look,真係好有人妖 feel。


選美冠軍
楊謹華劇中是學校的風頭躉,她是校園選美冠軍,在比賽時更大跳熱舞。如果香港 嘅國民教育都有呢 part,學生哥一定贊成國教。


中女戰士
在劇中為了吸引遊客,楊謹華犧牲色相,扮美少女戰士月野兔,估唔到超晒齡 嘅佢,睇落又 OK喎。


搾奶女郎
呢個「荷蘭搾牛奶女郎」造型,說明楊謹華當正班遊客係乳牛,暗示要搾乾佢 哋 噃。


激吻臭男
男主角王陽明是富二代,他為了拍好呢場接吻戲,事前先刷牙又李施德林漱口再食香口膠。嘩,乜佢本來真係咁臭 㗎?


寂寞母親
楊謹華劇中的兒子田易翔,是名老人精,煮飯清潔叻過楊謹華。成日話要替老媽找個好男人。

撰文:阮英維

tvb4life 發表在 痞客邦 留言(0) 人氣()