出外埠
食咗先講！
蔡依林金菇天后
台灣天后蔡依林（ Jolin）啱啱出咗新唱片《 MUSE繆斯》，啲歌好唔好聽呢，見仁見智啦。但佢嘅全新造型就俾網友話似「黑面琵鷺」，有人仲幫佢加埋料，變咗個打邊爐必嗌嘅「什錦蔬菜籃」㖭！咪講笑，媽咪姐都覺得出奇咁襯喎！咦， Jolin，都鍾意打邊爐㗎噃，唔知佢係咪都最 like金菇菜呢？
食金菇會變膠……
唔係，係變女神先啱！（設計對白）
最近 Jolin頻頻出動，宣傳新碟，但唔知點解塊面嘅膠質好似好重吓！笑嗰時，戚嘴又大細眼㖭。《台灣壹週刊》圖片
安心亞長舌婦
同「小豬」傳過緋聞嘅台灣「宅男女神」安心亞，平日通常賣性感，不過「咪咪」見得多都悶，呢日佢就同性格演員白雲咬住牛舌餅，扮鬼嚇人。噢，好 cute呀！難怪無論天王定熟男都咁冧。
羅志祥辣到飛起
平日大家成日講話辣到飛起，嗱！講多無謂，「小豬」羅志祥就親身示範你睇。食完麻辣火鍋，除咗變孖膶腸嘴，仲搞到成頭汗， gel頭話咁易，得咗！
小 S插住食
小 S（徐熙娣）同老公許雅鈞成日周圍搵食，咁兩公婆都搵到錢，食魚生係小事啦！係估唔到用嚟裝飾嗰幾塊葉咁堅挺，全程篤眼篤鼻，連出名牙尖嘴利嘅小 S都搞唔掂囉。 
文章標籤
全站熱搜
留言列表
