Angelababy近年長期北上搵人仔,國內粉絲儲埋一大堆。不過佢只係簡簡單單講 咗句,叫國內同胞唔好火遮眼,唔好對自己人暴力 啫,即刻俾網友圍剿,鬧佢漢奸、賣國賊。咁大個指控, Baby真慘。

博出位

反日潮失控 Baby被罵漢奸

2012年09月21日 ~~ 第895期 忽然1周

中日釣魚島主權爭拗愈演愈烈,電視新聞見到國內班憤青,反日示威搞到打砸搶燒。
雖然保衞家園,人人有責,之但係堂堂大國,家陣自己人打自己人,俾外國人見到真係笑歪個嘴。就連 Baby喺微博叫人冷靜 啲,都俾人話係漢奸。媽咪姐都係 嗰句啦,化戾氣為祥和,同胞們,冷靜 啲啦!









蔡少芬生日感心痛


今個禮拜 啱 啱過 咗 39歲生日 嘅蔡少芬,雖然忙住同囡囡、老公慶祝生日,不過都忍唔住 喺生日正日,發微博話自己睇到暴亂好心痛。生日不忘國家大事,抵讚!





李珊珊痛罵愛國賊


經常留意時事 嘅李珊珊, 喺微博頻頻叫同胞冷靜,更鬧爆趁火打劫 嘅人做「愛國賊」。咁多個藝人之中,言辭用得最狠!





黃貫中簡而精


Rock友黃貫中,平時鬧人七情上面,不過對於係咪要抵制日貨,阿 Paul反而用簡單六個字「自強才是王道」,概括一切。





李嘉欣勸人睇書


唔少藝人叫國內同胞冷靜,大美人就介紹 咗本保持心靈平靜 嘅書俾人睇,增加網友正能量!





tvb4life 發表在 痞客邦 留言(0) 人氣()