老婆,你嫁咗㗎!﹙設計對白﹚
Sorry呀,嗰晚記錯自己係 single㖭!﹙設計對白﹚

忽然去片

出事㗎嘛!

2012年09月21日 ~~ 第895期 忽然1周

媽咪姐成日都話,做人呢,最緊要知道自己喺乜嘢位置!好似今期睇片,見人妻 Toby(梁靖琪)只係去海南島拍外景啫,竟然無啦啦同雜食吳卓羲、人夫黃長興開意淫 party。唉,查實最初聽到佢哋只係猜吓圍枚,點知就愈玩愈瘋癲, Toby已經着住超少布泳衣,仲喺班麻甩佬面前趷籮拋胸。最後,吳卓羲拖住佢手走㖭!媽咪姐無乜嘢好講嘞,有嘢都留俾 Toby個「富二代」老公黃敏豪講啦。

《忽周》睇真啲正片唔好 miss!









又哈囉喂喇!




唔怕話你知,媽咪姐不嬲對鬼節無乜感覺,因為一向覺得鬼點夠人恐怖吖!不過,講到玩呢,就隨時奉陪,好似海洋公園年年搞哈囉喂活動,我年年去㗎。講真吖,去得多,新鮮感係差啲。但睇片見呢兩隻戲院厲鬼都好專業喎,入去玩吓同佢哋鬥嗌吓先! 

衞蘭聽得好舒服


衞蘭係媽咪姐一直睇好嘅歌手,可惜吖,佢條路總係一波三折,如果唔係早就應該上到天后位置。算啦!好多嘢整定嘅,就好似佢把靚聲咁,真係獨一無二,由以前到依家都令人聽出耳油。媽咪姐只係聽佢做訪問,已經覺得好舒服!仲有呀,衞蘭俾風筒吹住影相,面都歪埋咁滯,靚真係有代價囉。





tvb4life 發表在 痞客邦 留言(0) 人氣()