我上車多過你上電梯啦!(設計對白)

媽咪姐

林余寶珠夠中氣

2012年09月21日 ~~ 第895期 忽然1周

講開林家,早前媽咪姐同朋友响中環嘆下午茶,之後企响 Joyce對面唞吓氣,點知突然聽到有人鬼咁大聲講:「哎呀,使乜扶吖!上車啦!都話唔使扶咯!」擰轉頭睇睇,見到個成頭銀髮嘅婆婆用手推開兩個想扶佢上車嘅男士。乜咁熟口熟面嘅?睇真啲,原來係林建名同林建岳嘅媽打林余寶珠。林伯(林百欣)都過咗身咁耐,但余寶珠仲十分壯健喎!

媽咪姐聽朋友講,寶珠婆婆日日唱粵曲、耍太極同練氣功,九十歲人行路不知幾穩陣,真係唔使人扶㗎。而且睇佢喺一頭銀髮後面,仲特登夾咗隻黑色髮夾,就知道佢有幾 in幾咁貪靚啦!


林余寶珠早排聽啲人講用得染髮劑多會致癌,佢就唔再染髮。估唔到一頭銀髮令佢更加有型,仲鬼咁好中氣!一出聲,對面街都聽到呀。


林老太最鍾意同林建岳前妻謝玲玲孖住出街,呢日乖新抱唔喺度,係躁啲。

tvb4life 發表在 痞客邦 留言(0) 人氣()