哎呀,你咁樣望住人嘅!(設計對白)
阿爸教我㗎!(設計對白)

媽咪姐

何傲兒冧暈林建名孻仔

2012年09月21日 ~~ 第895期 忽然1周

形象乖巧 嘅 07年港姐何傲兒,上個月被指同夜總會少東 Gary Choy酒店幽會,老竇何世根激到生蝦咁跳。事關何爸爸係貿易商家兼馬主,有頭有面,仲同林建名係世交,難怪話要追究到底。

好似上禮拜四( 13日),大少林建名旗下品牌 LACOSTE搞派對,孻仔林孝信滿場飛招呼客人,而何傲兒都扮到靚靚出席支持喎。其間林公子同何傲兒鬼咁好傾,女方不時甜笑,冧到男方暈酡酡,仲用眼神回應,睇嚟交情非淺!何傲兒就解釋話︰「林生(林建名)係我 daddy嘅朋友,所以 Howard(林孝信)幾次返香港都有一齊食飯。我 哋係好朋友,暫時冇諗其他 嘢!」不過提到林孝信放電,佢即刻笑唔停:「佢天生有對電眼 啫!」大家都係富二代,仲要青梅竹馬,有啲嘢喎!


林孝信同何傲兒 喺場內細聲講大聲笑,男方仲出動埋電眼,郎才女貌又幾襯喎!


俾班龍友捉住影相 嘅何傲兒,擺出多個甫士任影唔嬲,好 nice喎!


何傲兒唔止同林孝信老友,同佢老竇林建名都好鬼熟,一 嚟到就孖住傾吓偈。

tvb4life 發表在 痞客邦 留言(0) 人氣()