媽咪姐

今晚睇真啲

2012年09月21日 ~~ 第895期 忽然1周

英皇七十周年誌慶晚會上星期喺灣仔會展舉行,一向鍾意睇明星嘅媽咪姐又點會錯過吖? 嗰晚果然星光熠熠,好多政商名人、大明星都齊齊撐場,媽咪姐就精選咗啲「當晚之最」,真係愈睇愈有趣!

范冰冰靚過鬼


范冰冰穿上火紅拖地長裙蒲頭,加上白臉紅唇妝,好彩農曆七月過咗啫!如果唔係好易俾佢嘅美態嚇死。但媽咪姐唔識欣賞唔緊要,同樣 sharp爆嘅 Mani(霍汶希)見到「國際范」即刻上前握手。金牌經理人果然有「膽識」!

容祖兒最襟撈




容祖兒孖住阿 Sa同阿嬌盛裝賀公司七十周年。貴為樂壇天后嘅祖兒一 啲都冇忘本 㗎,仲賣晒口乖話要參加公司一百周年紀念。不過到時已經六十歲有多,咁由依家起,要 keep好啲喇! 

徐子珊驚變欣宜


唔知係媽咪姐眼花,定係徐子珊同欣宜根本係失散姊妹,呢晚見到徐子珊居然爭 啲認錯咗!望真啲,徐子珊好似又肥咗喎。想媽咪姐分得清楚 啲,睇嚟佢要問欣宜攞張玉珊電話噃!





鍾麗緹神奇飛機艙




最近鮮有露面嘅鍾麗緹,白 Tee短裙出席晚會。嗱嗱嗱,大家唔好以為佢好 casual呀!睇真 啲佢件衫居然有五隻「飛機窗」俾一對大咪咪唞氣 㗎,可惜啲窗打唔開,有娘味,零睇頭囉! 

孫佳君翻叮大包




同英皇電影簽約三年嘅孫佳君,雖然已經係兩子之母,加上退隱咗咁耐,但冇變嘅係,依然唔會吝嗇咁騷「大包」! 

tvb4life 發表在 痞客邦 留言(0) 人氣()